Canllawiau Ymweliadau Ysbytai Diweddaraf

Dydd Llun 30 Mai 2022

Rydym yn falch o allu llacio cyfyngiadau ymweld o 31 Mai 2022 ar draws Bwrdd Iechyd Prifysgol Aneurin Bevan, o ganlyniad i newidiadau i reolau Covid-19 Llywodraeth Cymru.

Noder; gall yna fod eithriadau yn y meysydd isod. Ymwelwyr i gysylltu'n uniongyrchol â'r wardiau isod:

Plant
Mamolaeth
Iechyd Meddwl ac Anableddau Dysgu

Canllawiau Ymweld Cyffredinol

Bydd Ymweliadau Cyffredinol rhwng yr oriau 8:00yb–8:00yp am hyd at awr.
Ni ddylai ymwelwyr ymweld os ydynt yn teimlo'n sâl ac yn profi symptomau generig sy'n gysylltiedig â Covid-19.
Gall pob claf gael uchafswm o ddau ymwelydd.
Ni fydd yn bosibl ymweld ag ardaloedd sydd wedi cau oherwydd achosion o haint, ac eithrio mewn amgylchiadau eithriadol (fel yr amlinellir isod).

Nid oes angen Profion LFD bellach er mwyn ymweld ac nid oes rhaid i ymwelwyr ychwaith gwblhau gwybodaeth Profi, Olrhain, Diogelu.
Anogir hylendid dwylo da wrth fynd i mewn i safleoedd ysbytai a wardiau, yn ogystal ag wrth ymadael.
Anogir ymwelwyr i wisgo gorchuddion wyneb, er nad yw'r rhain bellach yn orfodol.

Wardiau Achosion Covid

Gall ymweliadau â chleifion sydd â Covid-19 neu sy’n hunan-ynysu ar hyn o bryd oherwydd cyswllt â Covid-19 ddigwydd mewn amgylchiadau eithriadol, fel y cytunwyd â staff y ward.

Rhaid i ymwelwyr fod yn ymwybodol o risgiau trosglwyddo Covid a chael gwybod am fesurau rheoli heintiau sydd ar waith, gan gynnwys defnyddio unrhyw PPE sydd ei angen yn ystod eu hymweliad.
Gall cleifion sydd ar ddiwedd eu hoes sy’n cael diagnosis o Covid dderbyn ymwelwyr yn ystod oriau olaf eu bywyd, os gofynnir am ganiatâd ymlaen llaw gan staff y ward.
Cydnabyddir bod ymwelwyr o’r un cartref â chlaf Covid-bositif yn aml yn symptomatig hefyd. Mewn sefyllfaoedd diwedd oes, bydd yn ofynnol i ymwelwyr o'r un cartref wisgo gorchudd wyneb wrth gyrraedd safle'r ysbyty. Rhaid i ymwelwyr fynd yn syth i'r ward a pheidio ag ymweld â chleifion neu fannau eraill yn ystod yr amser hwn.
Dylid hysbysu ymwelwyr â chyflyrau iechyd sylfaenol, neu sydd wedi gwarchod yn flaenorol, am y risgiau iddynt hwy eu hunain o ymweld.

Cleifion Allanol

Gall cleifion sy'n mynd i un o'n hysbytai ar gyfer apwyntiad claf allanol ddod gyda pherson arall.

Ymweld ag Adran Achosion Brys neu Adran Asesu

Mae’n bosibl y bydd un person yn dod gyda chi i'n Hadran Achosion Brys neu Unedau Asesu, ond ar adegau prysur, efallai y byddwn yn gofyn i’r person sy’n dod gyda chi i aros yn rhywle arall os oes cyfyngiadau o ran gwagle oherwydd y galw.

Hoffem ddiolch i bawb am eu hamynedd a'u dealltwriaeth yn ystod yr hyn y gwyddom sydd wedi bod yn gyfnod anodd iawn gyda'r Cyfyngiadau Ymweld. Mae pob penderfyniad wedi’i wneud er lles gorau’r bobl yr ydym yn gofalu amdanynt, y bobl sy’n gweithio yn ein cyfleusterau ac yn ymweld â nhw, a’r gymuned yr ydym yn ei gwasanaethu.

Ein blaenoriaeth yw cadw pawb mor ddiogel â phosibl