Defnyddio'r Offeryn Hygyrchedd ReciteMe ar ein Gwefan

A wyddoch chi fod yr Offeryn Hygyrchedd ReciteMe ar gael i'w ddefnyddio ar draws ein gwefan?

Mae ReciteMe yn offeryn hygyrchedd digidol uwch sydd wedi’i gynllunio i helpu defnyddwyr i deilwra eu profiad ar-lein i ddiwallu anghenion unigol. Gyda’r nodwedd hon, gallwch addasu gosodiadau’n hawdd megis maint a steil y ffont, cyferbyniadau lliw, darllen testun ar lafar a hyd yn oed gyfieithu cynnwys y wefan i fwy na 100 o ieithoedd gwahanol.

Mae’r offeryn hwn wedi’i deilwra i gefnogi pobl ag amrywiaeth o anghenion, gan gynnwys nam ar y golwg a chyflyrau niwroamrywiol fel dyslecsia. Mae’r bar offer ReciteMe yn cynnwys nodweddion fel:

• Testun i Leferydd: Trosi testun ar y sgrin yn eiriau a leferir.
• Opsiynau Maint Testun: Cynyddu neu leihau maint y ffont i wella darllenadwyedd.
• Addasu Ffont: Addasu uchder llinell, bylchau rhwng nodau, a steil y ffont.
• Cyfieithu Iaith: Cyfieithu cynnwys i ystod eang o ieithoedd.
• Themâu Lliw:
  • Modd tywyll
  • Monocrom
  • Cynlluniau lliw ar gyfer deillion lliw
• Offer Canolbwyntio:
  • Offeryn pren mesur
  • Masg sgrin i helpu gyda chanolbwyntio a darllen
• Opsiynau Cyrchwr: Newid maint neu liw’r cyrchwr i’w wneud yn fwy gweladwy.
• Offer Ychwanegol:
  • Cuddio delweddau
  • Oedi fideos ac animeiddiadau yn awtomatig
  • Offeryn disgrifiad delwedd ar gyfer cynnwys gweledol

I ddechrau defnyddio’r bar offer ReciteMe, cliciwch ar yr eicon ReciteMe ar unrhyw dudalen ar wefan Bwrdd Iechyd Prifysgol Aneurin Bevan. O’r fan honno, fe welwch ystod o opsiynau i bersonoli eich profiad pori.

Mae’r fideo isod yn dangos sut mae’r offeryn ReciteMe yn gweithio.