Dweud Eich Dweud: Trefniadau yn y Dyfodol ar gyfer ein Gwasanaethau Adsefydlu Strôc

Dydd Llun 27 Hydref 2025

Hoffwn ni glywed gennych chi…

Mae Bwrdd Iechyd Prifysgol Aneurin Bevan yn adolygu'r trefniadau hirdymor ar gyfer gwasanaethau adsefydlu strôc, a gafodd eu canoli ar un safle ysbyty dros dro yn 2023. Rydym yn lansio cyfnod o ymgysylltu â'r cyhoedd dros ddeuddeg wythnos er mwyn casglu barn pobl ar y ddarpariaeth hirdymor orau ar gyfer gwasanaethau adsefydlu strôc yng Ngwent.

Mae'r cyfnod ymgysylltu hwn yn gyfle pwysig i gleifion, gofalwyr, trigolion lleol, staff, sefydliadau partner a grwpiau cymunedol rannu eu barn, rhoi adborth llawn a helpu i sicrhau bod ein gwasanaethau adsefydlu strôc yn diwallu anghenion ein poblogaeth.

Rydym yn gwahodd y cyhoedd i gymryd ychydig funudau i adolygu ein cynigion a chyfrannu eu hadborth, a fydd yn darparu gwybodaeth werthfawr a fydd yn dylanwadu ar ein gwasanaethau adsefydlu strôc yn y dyfodol. Gellir rhannu barn drwy gwblhau'r arolwg ar-lein, neu drwy fynychu un o'r sesiynau gwybodaeth i'r cyhoedd a fydd yn cael eu cynnal drwy gydol y cyfnod hwn mewn gwahanol leoliadau ardraws Gwent.

Bydd y cyfnod ymgysylltu hwn yn rhedeg tan Ddydd Gwener 30 Ionawr 2026.

Darllenwch y briff llawn, rhannwch eich barn, a gwelwch wybodaeth bellach yma: Trefniadau ar gyfer Gwasanaethau Adsefydlu Strôc yn y Dyfodol - Bwrdd Iechyd Prifysgol Aneurin Bevan