Gweithdai Lles Canser
Dydd Mawrth 25ain Tachwedd 2025
Rydym yn falch o roi gwybod i chi fod y Gwasanaeth Seicoleg Canser yn cynnig dau weithdy hunangyfeirio i gefnogi unigolion sydd wedi cael diagnosis o ganser, yn ogystal â'u ffrindiau ac aelodau'r teulu.
Mae'r gweithdai ar-lein awr o hyd hyn, a gyflwynir gan ein tîm seicoleg drwy Microsoft Teams, wedi'u cynllunio i gynnig offer ymarferol ac arweiniad emosiynol yn ystod yr hyn a all fod yn gyfnod heriol iawn yn dilyn diagnosis, neu ar unrhyw adeg yn ystod y driniaeth.
Bydd ein gweithdai'n rhedeg ar y dyddiadau isod:
Addasu i ddiagnosis o ganser
Dydd Llun 12 Ionawr 2026
Dydd Llun 2 Chwefror 2026
Dydd Llun 9 Mawrth 2026
Ymdopi â meddyliau a theimladau anodd
Dydd Llun 26 Ionawr 2026
Dydd Mawrth 3 Mawrth 2026
Dydd Llun 16 Mawrth 2026
Gweithdy 1
'Addasu i Ddiagnosis' - Nod y gweithdy hwn yw eich helpu i archwilio ffyrdd o reoli newid, meithrin gwydnwch, a deall ymatebion emosiynol cyffredin.
Gweithdy 2
Nod 'Ymdopi â meddyliau a theimladau anodd' yw eich helpu i ddysgu strategaethau i ymdopi â phryder a gofid yn dilyn diagnosis o ganser.
Mae'r gweithdai hyn ar agor i unigolion sydd wedi cael diagnosis o ganser, a'u teulu a'u ffrindiau. I gofrestru i fynychu, gallwch sganio'r cod QR neu ymweld â'r dudalen ganlynol - Cefnogaeth seicolegol - Bwrdd Iechyd Prifysgol Aneurin Bevan