Ymgyrch Ffliw i Blant 2–3 oed yn Lansio

O fis Medi ymlaen, bydd plant 2–3 oed yn cael gwahoddiad i dderbyn y brechlyn ffliw a roddir yn eu meddygfa; mewn rhai ardaloedd o Went, gall hefyd fod ar gael yn lleoliad meithrin eich plentyn.

Gall ffliw fod yn ddifrifol i blant, ac mae cymhlethdodau posibl yn cynnwys broncitis, niwmonia a heintiau’r glust. Gall rhai plant fynd mor sâl gyda’r ffliw nes bod angen iddynt fynd i’r ysbyty.

Mae brechlyn ffliw chwistrell trwyn i blant yn helpu i amddiffyn rhag ffliw. Mae ffliw yn cael ei achosi gan firysau ac yn lledaenu’n hawdd. Gall unrhyw un gael ffliw, ond mae gan blant y gyfradd heintio uchaf ac maent hefyd yn gallu lledaenu’r ffliw i aelodau o’r teulu sy’n agored i niwed.

Am fwy o wybodaeth am y chwistrell ffliw trwyn i blant 2–3 oed, ewch i: https://linktr.ee/Ffliw2_3oed

Os oes gennych blant eraill sy’n mynychu’r ysgol (Derbyn – Blwyddyn 11), bydd y brechlyn ffliw yn cael ei roi gan Wasanaeth Nyrsio’r Ysgol yn ysgol eich plentyn. Darganfyddwch fwy yma: https://bipab.gig.cymru/ysbytai/aros-yn-dda-ac-iach/bywn-dda/imiwneiddiadau/ffliw-trwynol-plant/

Gallwch hefyd gael eich plentyn wedi’i frechu yn ein Canolfan Frechu yng Nghwmbrân, ewch i: https://bipab.gig.cymru/brechiadau/clinigau-brechu-dros-dro/ am ragor o wybodaeth.