Meddyg Teulu'n Dathlu Dydd Gŵyl Dewi yn 10 Downing Street

Yn ddiweddar, gwahoddwyd Dr Manmeet Kaur, Meddyg Teulu yng Nghanolfan Iechyd Pengam yng Nghaerffili, yn ardal Bwrdd Iechyd Prifysgol Aneurin Bevan, sydd hefyd yn Arweinydd Iechyd a Lles ar gyfer Cwmni Buddiant Cymunedol (CIC) Thriving Communities, i fynychu derbyniad Dydd Gŵyl Dewi arbennig yn 10 Downing Street.

Yn ogystal â gweithio fel Meddyg Teulu, mae Dr Kaur yn hyfforddwraig ioga, ymwybyddiaeth ofalgar, anadlu a myfyrio, ac mae'n arwain sesiynau a gweithdai am ddim yn y gymuned leol, sy’n ymwneud â grym yr anadl a'r meddwl i dawelu'r system nerfol, lleihau straen ac adfer cydbwysedd yn eich bywyd.

Cafodd Dr Kaur ei henwebu gan Swyddfa Cymru i ymuno â grŵp o westeion o bob cwr o Gymru a oedd wedi’u cydnabod am eu cyfraniadau i ddiwylliant Cymru, lles cymunedol, a gwasanaeth cyhoeddus.

Wrth fyfyrio ar yr anrhydedd, dywedodd Dr Kaur:

Roeddwn yn teimlo mai braint wirioneddol oedd mynychu a chynrychioli Cymru...  Roedd yn foment falch, wrth i mi gysylltu â phobl sy’n ysbrydol o bob cwr o'r wlad. Roedd yn teimlo fel breuddwyd nad oeddwn hyd yn oed wedi breuddwydio a fyddai’n dod yn realiti.

Mynegodd Dr Kaur hefyd ei diolchgarwch i holl wirfoddolwyr a phartneriaid Thriving Communities, gan gynnwys Bwrdd Iechyd Prifysgol Aneurin Bevan., am eu cefnogaeth barhaus wrth gyflwyno mentrau lles cymunedol ar draws y rhanbarth.

Mae'r gydnabyddiaeth hon yn amlygu'r gwaith rhagorol a'r effaith gadarnhaol y mae cydweithwyr o fewn Bwrdd Iechyd Prifysgol Aneurin Bevan yn parhau i'w chael ledled Cymru.