Dydd Gwener 24 Medi 2021
Efallai y bydd angen i ymwelwyr fynd gyda chleifion/ defnyddwyr gwasanaeth i apwyntiadau yn un o'n safleoedd gofal iechyd. Gellir cefnogi hyn yn y sefyllfaoedd canlynol, a gellir gwneud eithriadau pellach ar ôl trafod gyda'r adran berthnasol:
- Byddai unigolion â chyflwr iechyd meddwl, dementia, anabledd dysgu neu awtistiaeth, lle na fyddent yn dod gyda nhw yn achosi trallod i'r claf/ defnyddiwr gwasanaeth. Lle bo modd, dylid ystyried ymweliadau ar gyfer defnyddwyr gwasanaeth hwnnw fesul pob achos unigol yn ôl eu anghenion, cynllun gofal y claf/ defnyddiwr gwasanaeth ac mewn ymgynghoriad â'u staff cymorth neu ofalwr.
- Unigolion â nam gwybyddol a allai fethu cofio cyngor iechyd a ddarperir.
- Lle mae'r driniaet / weithdrefn yn debygol o achosi trallod i'r claf a gall yr ymwelydd ddarparu cefnogaeth.
- Rhaid i blant fod yng nghwmni oedolyn.
Bydd llythyrau apwyntiad yn cynnig cyngor a manylion cyswllt i ymwelwyr ofyn am gymeradwyaeth i fynd gyda chleifion (lle bo hynny'n briodol). Bydd y llythyrau yn cynnwys cyngor ar:
- Yr angen i gadw at bellter cymdeithasol / corfforol yn ogystal â rhagofalon hylendid dwylo a rheoli heintiau wrth gyrraedd a gadael yr apwyntiad.
- Bydd ein staff yn dilyn y canllawiau Dwylo, Wyneb, Gofod, a gofynnwn ichi wneud yr un peth. Gwnewch yn siŵr hefyd eich bod chi'n gwisgo gorchudd wyneb llawfeddygol pan ddewch chi i'r ysbyty - os nad oes gennych orchudd wyneb, yna darperir un pan gyrhaeddwch.
- Bydd ein holl staff yn gwisgo'r lefel berthnasol o Offer Amddiffyn Personol (PPE) yn dibynnu ar ble rydych chi yn yr ysbyty, ac a ydych chi'n glaf allanol neu'n glaf breswyl.