Efallai eich bod wedi sylwi bod ein Hadrannau Achosion Brys yn brysur iawn unwaith eto. Maent yn edrych hyd yn oed yn fwy prysur nag arfer wrth i ni geisio cydymffurfio â mesurau Ymbellhau Cymdeithasol ar draws ein safleoedd.
Er mwyn cefnogi cleifion sy'n cael eu gweld mewn modd amserol, rydym yn defnyddio ein holl wasanaethau brys i gefnogi'r rhai mwyaf anghenus. O ganlyniad, efallai y bydd adegau dros yr wythnosau nesaf, waeth ble rydych chi'n byw yng Ngwent, ein bod ni'n gofyn i chi (neu'ch Meddyg Teulu wrth iddyn nhw eich cyfeirio chi) fynd i Ysbyty nad yw'r agosaf atoch chi o bosib. Y rheswm am hyn yw y bydd gan rai ysbytai amseroedd aros byrrach a byddant yn gallu eich gweld yn gynt a chynnal Ymbellhau Cymdeithasol.
Byddwn wrth gwrs yn ymwybodol o allu cleifion i deithio a byddwn yn ceisio cefnogi hyn lle bo hynny'n bosibl.
Rydym am sicrhau bod pob claf yn cael ei weld yn y ffordd fwyaf diogel gan y person mwyaf priodol yn y ffordd fwyaf amserol bosibl, wrth i ni barhau i ymateb i'r Pandemig. Trefniant dros dro yw hwn a byddwn yn parhau i adolygu hyn yn gyson. Rydym yn ddiolchgar am eich cefnogaeth barhaus.