Profi, Olrhain a Diogelu ar draws Gwent

Hoffem sicrhau'r Cyhoedd ein bod eisoes yn cyrraedd targed Llywodraeth Cymru o olrhain 80% o'r cysylltiadau drwy Brofi, Olrhain a Diogelu. Ar draws Gwent, mae gennym gyfradd llwyddiant o 98% o bobl sydd wedi'u holrhain drwy achosion cadarnhaol o COVID-19.

Hoffem ddiolch i fusnesau ardraws Gwent sydd wedi gweithredu'r system olrhain yn effeithiol yn unol â chanllawiau'r Llywodraeth, ac i'r Cyhoedd sydd wedi darparu'r wybodaeth sydd ei hangen i olrhain cysylltiadau yn llwyddiannus ac wedi hunan-ynysu i helpu i leihau lledaeniad COVID-19 ar draws Gwent.

Diolch am gadw Gwent yn ddiogel!