Prosiect Model Coleg Adfer Gwent 24 Ebrill Gweithdy - amser i fod yn greadigol!

Dydd Iau 10 Ebrill 2025

Wedi Cofrestru?

Diolch i'r unigolion sydd eisoes wedi cofrestru ar gyfer ein digwyddiad wyneb yn wyneb yng Nghanolfan Gymunedol Nant Brân ddydd Iau, 24 Ebrill rhwng 10am ac 1pm. Dyma yw ein digwyddiad a chyfle olaf i fynegi’r hyn sydd ar eich meddwl.

Byddem wrth ein bodd yn gwybod beth sy’n bwysig i chi ar hyn o bryd, wrth ddatblygu Model Coleg Adfer posibl ar gyfer y dyfodol yng Ngwent ym Mwrdd Iechyd Prifysgol Aneurin Bevan gan ddefnyddio’r safonau cywirdeb rhyngwladol.

Dan arweiniad cymheiriaid
Cynhyrchu ar y cyd
Canolbwyntio ar y gymuned - cydweithio
Canolbwyntio ar adferiad personol
Addysg sy’n canolbwyntio ar berthnasau
Lles ym mhob cam o adferiad
Trawsnewidiol

Awydd cofrestru? Mae gennych amser o hyd!

E-bostiwch ABB.RecoveryCollegeModelProject@wales.nhs.uk gydag enwau, nifer y bobl sy’n dod, ac unrhyw beth arall yr ydych yn teimlo y gallai fod yn ddefnyddiol i’r tîm ei wybod er mwyn eich cefnogi ar y diwrnod.

Mynegwch eich hun!

Rydym yn deall bod gan bawb wahanol ffyrdd o gyfathrebu ac rydym yn gwerthfawrogi cyfraniad pawb. Mae Alice - un o’n cyd-hwyluswyr ar y diwrnod, wedi rhannu’r hyn sydd i’w ddisgwyl ar y diwrnod.

CRYNODEB:

“Bydd unigolion yn cymryd rhan mewn fersiwn greadigol o’r ymarferiad y Rhosyn, y Blaguryn a’r Ddraenen gan ddefnyddio lliwiau a chelf yn hytrach nag ymatebion ysgrifenedig traddodiadol. Bydd pob unigolyn yn derbyn ‘cylchgrawn’ printiedig bach gyda lluniau o rosod, blagur, drain a dail. Ar ôl hynny, gellir ysgrifennu ar y lluniau dan sylw, eu lliwio neu’r ddau, fel math o fyfyrio. Bydd y gweithgaredd yn cael ei egluro’n well ac yn fwy manwl ar y diwrnod. Cynlluniwyd y dull ymarferol hwn i fod yn hygyrch i bawb, gan ddarparu ffordd sy’n synhwyraidd ystyrlon, heb roi unrhyw bwysau er mwyn gallu myfyrio ar eu meddyliau. Erbyn y diwedd, bydd gan y cyfranogwyr gynrychiolaeth weledol unigryw, personol o’u meddyliau a’u teimladau, sy’n annog hunanfynegiant, a sgyrsiau dyfnach mewn ffordd nad yw’n fygythiol”.

Angen eiliad i Ailffocysu?

Mae gennym gaban lles yn y lleoliad sydd am ddim i bawb. Mae’n bosibl y byddwch yn dymuno cymryd ychydig o amser i fyfyrio, anadlu neu rywfaint o amser i chi eich hun.

Parcio

Diolch o galon i Growing Space ac Able Radio am adael i bawb sy’n cymryd rhan barcio am ddim ar y diwrnod.

Lluniaeth

Bydd te, coffi, ffrwythau a chacennau ar gael drwy’r dydd. Bydd dewisiadau amgen i gynnyrch llaeth ar gael hefyd. Mae pob croeso i chi ddod â lluniaeth neu fwyd gyda chi os ydych yn dymuno gwneud hynny.

Unrhyw gwestiynau - cysylltwch!

Prosiect Model Coleg Adfer Cenedlaethol Gwent