Wythnos Deietegwyr 2026
Dydd Llun 1af o Fehefin 2026
Yn ystod Wythnos Deietegwyr eleni (1af - 5ed Mehefin), rydym yn falch o ymuno â chydweithwyr ledled y DU i ddathlu cyfraniad amhrisiadwy Deietegwyr a'r effaith y maent yn ei chael bob dydd ar draws Bwrdd Iechyd Prifysgol Aneurin Bevan.
Mae hefyd yn gyfle blynyddol i dynnu sylw at y proffesiwn a chodi ymwybyddiaeth o'r rôl hanfodol y mae Deietegwyr yn ei chwarae.
Mae deietegwyr yn weithwyr gofal iechyd proffesiynol sy'n asesu, yn gwneud diagnosis ac yn trin problemau maeth. Ar draws ein Bwrdd Iechyd, maent yn gweithio mewn ystod eang o leoliadau - o leoliadau blynyddoedd cynnar, pediatreg, ar draws wardiau ein ysbytau acíwt ac ysbytai cymunedol, gofal critigol, adrannau arlwyo, cartrefi gofal, lleoliadau cleifion allanol, ysgolion, cartrefi gofal a chartrefi cleifion, gan ddarparu hyfforddiant ac addysg ar draws llu o leoliadau cymunedol a chyfleusterau hamdden - gan gefnogi pobl yn ystod pob cam o fywyd.
Dan arweiniad Cymdeithas Deieteg Prydain, thema eleni yw “Mwy na Swydd”.
“Mae gyrfa mewn deieteteg yn fwy na swydd yn unig. Mae'n alwedigaeth sydd wedi'i seilio ar empathi, gwyddoniaeth a gwasanaeth. Wrth wraidd mae'r ymrwymiad i wella bywydau pobl, boed hynny drwy addysg, ymchwil, eiriolaeth neu ddarparu'r gofal gorau y gall Deietegwyr ei gael”.
Mwy na Swydd
Mae deietegwyr yn gwneud penderfyniadau hollbwysig, yn cefnogi gofal cymhleth ac yn gwella canlyniadau ar draws ein gwasanaethau bob dydd.
Yn ystod Wythnos Deietegwyr, rydym yn falch o ddathlu sgil, tosturi ac effaith ein gweithlu deieteg.
I gael rhagor o wybodaeth am ein gwaith, cliciwch yma: Dieteteg - Hafan
A oes diddordeb gennych mewn dod yn Ddeietegydd?
BSc Maethiad Dynol a Dieteteg | Prifysgol Metropolitan Caerdydd
Maeth a Dieteg - Prifysgol Wrecsam
Yn olaf, mae cymaint o wybodaeth ar faeth ar gael, ond nid yw popeth wedi’i selio ar dystiolaeth, ac nid yw popeth yn gywir.
Felly sut mae tawelu’r sŵn am faeth? Gallwch ymddiried mewn Deietegwyr – maent yn gwybod beth yw maeth!
Dilynnwch y BDA - British Dietetic Association | Facebook
British Dietetic Association (BDA) (@bda_dietitians) • Instagram photos and videos