Rydym yn falch iawn o'n staff yn Ysbyty Nevill Hall, sydd wedi derbyn Gwobr Arwyr Cymunedol gan Eglwys Gateway yn y Fenni am eu holl waith caled drwy gydol y flwyddyn. Derbyniodd y Rheolwr Gweithredol Cynorthwyol, Amanda Jones, y wobr ar ran y staff a'r cleifion yn Ysbyty Nevill Hall.
Dywedodd "Mae pawb yn Nevill Hall yn gweithio â balchder ac angerdd, ac rwy'n falch iawn o fod wedi bod yn rhan o'r tîm hwnnw ers 1985. Hoffwn fanteisio ar y cyfle hwn i ddiolch i bawb ar draws y safle am eu hymroddiad a'u cefnogaeth drwy gyfnod mor anodd. Rydym mor ddiolchgar i Gymuned Eglwys Gateway am ddosbarthu cannoedd o brydau bwyd i'n holl staff."
Llongyfarchiadau i bawb yn Ysbyty Nevill Hall!