Gwent yn 2035
Rydym am i bawb sy'n byw yng Ngwent yn 2035 gael yr un cyfle i fyw bywyd hir ac iach. Ond ni ellir gwneud hyn ar ein pen ein hunain. Bydd angen ymdrech ar y cyd i gyflawni ein huchelgeisiau.
Ein hymrwymiad erbyn 2035:
- Dileu'r rhwystrau y mae ein cymunedau wedi’u wynebu o ran gwella eu hiechyd
- Sicrhau bod gwasanaethau yn eu lle i gefnogi iechyd meddwl a lles
- Sicrhau bod pob plentyn yn cael y dechrau gorau mewn bywyd, gan ganolbwyntio ar gefnogi teuluoedd a gofalwyr
- Canolbwyntio ar gadw pobl mor iach â phosibl yn eu cymuned leol
- Gwneud mynediad i'n gwasanaethau yn syml, a lleihau'r amser y mae'n ei gymryd i gael eich gweld gan y gweithiwr proffesiynol cywir ar gyfer eich anghenion
- Cyfathrebu'n glir ac yn effeithiol â chi am eich gofal iechyd
- Gydag eraill, tyfu a chysylltu ein hasedau cymunedol er mwyn cefnogi eich lles
Eich ymrwymiad erbyn 2035:
- Gwneud yr hyn y gallwch chi i wella eich iechyd a'ch lles eich hun
- Siarad â'ch plant am eu lles a'u hemosiynau
- Annog eich plant i adeiladu arferion iach a gwneud gweithgareddau iach gyda'ch gilydd
- Os nad oes angen apwyntiad neu feddyginiaethau arnoch mwyach, rhowch wybod i ni fel y gallwn leihau gwastraff
- Bod yn barchus ac yn garedig gyda’n staff pan fyddant yn eich cefnogi
- Bod yn rhagweithiol pan fydd angen cymorth arnoch a dewis y gofal iechyd cywir ar gyfer eich anghenion
- Manteisio ar y cyfleoedd yn eich cymuned er mwyn cadw mewn cysylltiad
- Cadw llygad ar y rheiny nad oes ganddynt rwydwaith cymorth o'u cwmpas neu'r rheiny a allai fod yn agored i niwed ac yn ofni siarad