Brechiadau Ffliw 2026/27
Mae brechiad ffliw yn cael ei argymell ar gyfer y rhai sydd fwyaf mewn perygl o gymhlethdodau difrifol os ydynt yn cael y ffliw. Ar gyfer oedolion mae hyn yn cynnwys pawb 65 oed a throsodd, menywod beichiog, a'r rhai â chyflyrau iechyd hirdymor penodol. Gall y ffliw fod yn salwch difrifol yn y bobl hyn a’r brechlyn sy’n cynnig yr amddiffyniad gorau.
I gael rhagor o wybodaeth am gymhwysedd, cliciwch yma: Cymhwysedd ar gyfer y brechlyn - Iechyd Cyhoeddus Cymru (nhs.wales)
Bydd pob person cymwys yn derbyn gwahoddiad ar gyfer eu brechlyn ffliw o 1 Hydref 2026, fel y nodir yn y tabl isod:
| Cohort Cymwys | Ble fyddwch chi'n cael Brechlyn Ffliw | Ymholiadau |
| Plant dwy neu dair oed (oed ar 31 Awst 2026) | Meddygfa’r teulu (Sylwch: mewn rhai ardaloedd, cynigir y brechlyn i blant tair oed yn y feithrinfa), Canolfan Frechu Cwmbrân (apwyntiadau cerdded i mewn ar gael) | Meddygfa’r teulu |
| Plant ysgol gynradd ac uwchradd (hyd at Flwyddyn 11) | Ysgol gynradd ac uwchradd, Clinigau Brechu Cymunedol (apwyntiadau cerdded i mewn ar gael) | Tîm Imiwneiddio Ysgol – Bwrdd Iechyd Prifysgol Aneurin Bevan |
| Plant 6 mis i dan 18 oed gyda chyflwr iechyd tymor hir | Meddygfa’r teulu (Sylwch: bydd plant oed ysgol gynradd ac uwchradd yn cael eu brechlyn ffliw yn yr ysgol) | Meddygfa’r teulu |
| Merched beichiog | Meddygfa’r teulu, rhai fferyllfeydd cymunedol neu, mewn rhai ardaloedd yng Nghymru, gan eu bydwraig | Meddygfa’r teulu / Bydwraig |
| Cyflyrau iechyd tymor hir (oedolion) | Meddygfa’r teulu/ Fferyllfa Gymeunedol | Meddygfa’r teulu |
| Pobl 65 oed neu’n hŷn | Meddygfa’r teulu | Meddygfa’r teulu |
| Gofalwyr di-dâl | Meddygfa’r teulu/ Fferyllfa Gymeunedol | Meddygfa’r teulu |
| Gofalwyr cartref | Fferyllfa gymunedol (neu mewn rhai ardaloedd, trefniadau eraill) | Fferyllfa gymunedol |
| Staff cartrefi gofal | Fferyllfa gymunedol, neu pan fydd y Gwasanaeth Brechu yn ymweld â’r cartref gofal | Rheolwr y Cartref Gofal |
| Gweithwyr iechyd a gofal cymdeithasol | Trwy’r cyflogwr neu Glinigau Brechu Cymunedol (Rhaid dangos ID staff) (apwyntiadau cerdded i mewn ar gael) | Cyflogwr |
|
Pobl sy’n gweithio gyda ieir (gweithwyr dofednod) sydd mewn perygl uchel. Pobl sy’n gweithio gyda gwartheg a moch (gweithwyr da byw) sydd mewn perygl uchel. |
Fferyllfa leol (os ydych yn 18 oed neu’n hŷn) Gan eich meddygfa deulu (os ydych yn 16 neu 17 oed)
|
Meddygfa’r teulu / Fferyllfa |
Yn ddelfrydol, dylid rhoi’r brechlyn ffliw cyn i’r ffliw ddechrau lledaenu. Fodd bynnag, gellir ei roi yn nes ymlaen o hyd.
Cysylltwch â chanolfan archebu’r Gwasanaeth Brechu ar 0300 303 1373 neu cerddwch i mewn i’n Canolfan Frechu sydd wedi’i lleoli yn:
Canolfan Siopa, 19 - 25 The Parade, Cwmbrân NP44 1PB os oes gennych unrhyw ymholiadau pellach.
Eleni, bydd y rhan fwyaf o oedolion cymwys yn cael cynnig brechlyn ffliw o 1 Medi.
Ni ddylai pobl sy’n 65 oed neu’n hŷn a/neu sy’n perthyn i grŵp risg clinigol sy’n gymwys i gael brechlyn ffliw gael eu brechu tan 1 Hydref. Bydd hyn yn cynnig yr amddiffyniad gorau yn erbyn y ffliw drwy gydol y gaeaf.
Ar gyfer y rhai sydd fwyaf mewn perygl o gymhlethdodau difrifol os ydynt yn cael ffliw. Ar gyfer oedolion mae hyn yn cynnwys pawb 65 oed a throsodd, menywod beichiog, a'r rhai â chyflyrau iechyd hirdymor penodol. Gall y ffliw fod yn salwch difrifol yn y bobl hyn a’r brechlyn sy’n cynnig yr amddiffyniad gorau. Pam fod yn rhaid i mi aros tan fis Hydref am fy brechlyn ffliw? Eleni bydd y rhan fwyaf o oedolion cymwys yn cael cynnig brechlyn ffliw o ddechrau mis Hydref, a allai fod ychydig yn hwyrach nag yn y blynyddoedd blaenorol. Mae hyn oherwydd bod y dystiolaeth wyddonol ddiweddaraf yn dangos bod amddiffyniad rhag y brechlyn ffliw yn lleihau dros amser mewn oedolion. Felly mae'n well cael y brechlyn yn nes at yr adeg pan fydd y ffliw fel arfer yn cylchredeg. Pryd ddylai merched beichiog gael eu brechu? Dylai menywod beichiog gael y brechlyn o fis Medi. Mae hyn oherwydd bod yr amddiffyniad rhag y brechlyn yn cael ei drosglwyddo drwy'r brych i'r babi, gan roi amddiffyniad i'r babi am yr ychydig fisoedd cyntaf o fywyd pan fydd yn arbennig o agored i'r ffliw. Felly ni ddylai menywod beichiog oedi rhag cael eu brechu, yn enwedig y rhai sy'n feichiog iawn, gan fod angen diogelu babanod a enir yn ystod tymor y ffliw rhag y ffliw yn ogystal â'r fenyw feichiog ei hun.
Bydd brechu plant sy'n cael cynnig brechlyn ffliw gan y GIG hefyd yn dechrau o fis Medi oherwydd nad yw eu hamddiffyniad rhag y brechlyn yn lleihau mor gyflym ag y mae mewn oedolion.
Am ragor o wybodaeth am y chwistrell trwyn ffliw i blant 2–3 oed a phlant oed ysgol, ewch i: Ffliw Trwynol Plant - Bwrdd Iechyd Prifysgol Aneurin Bevan
Mae brechlynnau ffliw fel arfer ar gael ym mis Medi a dechrau mis Hydref bob blwyddyn. Yn ddelfrydol, dylid rhoi'r brechlyn ffliw cyn i'r ffliw ddechrau lledaenu. Fodd bynnag, gellir ei roi yn nes ymlaen o hyd. Mae'r amddiffyniad yn dechrau tua phythefnos ar ôl i chi gael y brechlyn ffliw.
Os ydych mewn grŵp sydd â risg uwch o fynd yn ddifrifol wael os byddwch yn dal y ffliw, dylech gael brechiad ffliw bob blwyddyn.