Rhaglen Brechu Meningococcal B (MenB)

Diweddarwyd ddiwethaf: Gorffennaf 2026

Ym mis Mehefin, cyhoeddodd Llywodraeth Cymru y bydd pobl gymwys yn cael cynnig y brechlyn Meningococcal Grŵp B (MenB) am gyfnod penodol.  Mae’r dudalen hon yn darparu gwybodaeth am gymhwysedd a sut a phryd y gallwch dderbyn eich brechlyn MenB o fewn ardal Bwrdd Iechyd Prifysgol Aneurin Bevan.

O gael rhagor o wybodaeth am y brechlyn, cymhwysedd a chwestiynau cyffredin, ewch i wefan Iechyd Cyhoeddus Cymru:  Brechlyn MenB ar gyfer pobl ifanc - Iechyd Cyhoeddus Cymru

Gwybodaeth Gyffredinol

• Bydd POB person 17-18 oed yn cael eu gwahodd i apwyntiad
• Mae unigolion a aned ar/ar ôl 21/07/2001 (yn troi’n 25 ar ôl 21/07/2026) ac sy’n mynychu Addysg Uwch/Addysg Bellach am y tro cyntaf hefyd yn gymwys i gael brechlyn.
• Bydd y rhaglen yn dechrau ar 20 Gorffennaf 2026
• Bydd angen dau ddos arnoch er mwyn cael eich brechu'n llawn yn erbyn MenB 
• Pan fyddwch chi'n mynychu eich apwyntiad brechu, efallai y byddwch yn cael cynnig brechlynnau eraill, yr ydych wedi’u methu, o bosib, pan oeddech chi'n iau

Rwy'n 17-18 oed (carfan 1)

• Os ydych chi rhwng 17 a 18 oed (ganwyd rhwng 01/09/2007 a 31/08/2008) gallwch ddisgwyl derbyn llythyr gwahoddiad cyn 31 Gorffennaf 2026.
• Os oes gennym rif ffôn symudol, byddwch hefyd yn derbyn neges destun atgoffa cyn eich apwyntiad.
• Rhoddir apwyntiad ar gyfer eich ail ddos yn eich apwyntiad cyntaf. Mae'n bwysig eich bod yn mynychu eich ail apwyntiad i sicrhau eich bod wedi'ch amddiffyn yn llawn.
• Os nad ydych wedi derbyn eich llythyr gwahoddiad neu neges destun erbyn 31 Gorffennaf 2026 , cysylltwch â'r ganolfan archebu ar 0300 303 1373.

Os na allwch ddod i'ch apwyntiad, cysylltwch â'r ganolfan archebu brechiadau cyn gynted â phosibl i aildrefnu drwy ffonio 0300 303 1373 rhwng 9am a 5pm, o ddydd Llun i ddydd Gwener neu drwy e-bostio: abb.vsbc@wales.nhs.uk .

Yn eich apwyntiad gofynnir i chi dynnu llun o'ch cerdyn brechu fel cofnod o'ch dos cyntaf. Noder y gofynnir i chi ddod â dogfen adnabod gyda chi i'ch apwyntiad.

Rwyf o dan 25 oed ac yn mynychu Addysg Uwch/Addysg Bellach Breswyl am y tro cyntaf (carfan 2)

• Unigolion a aned ar/ar ôl 21/07/2001 (yn troi'n 25 ar ôl 21/07/2026)
• Cwblhewch y ffurflen ganlynol i hunangyfeirio am apwyntiad brechu MenB: Cynnig Brechlyn MenB.
• Os oes gennym rif ffôn symudol, byddwch hefyd yn derbyn neges destun atgoffa cyn eich apwyntiad.
• Rhoddir apwyntiad ar gyfer eich ail ddos yn eich apwyntiad cyntaf. Mae'n bwysig eich bod yn mynychu eich ail apwyntiad i sicrhau eich bod wedi'ch amddiffyn yn llawn.
• Fel arall, gallwch ffonio ein canolfan archebu ar 0300 303 1373 rhwng 9am a 5pm, o ddydd Llun i ddydd Gwener i archebu apwyntiad.

Yn eich apwyntiad gofynnir i chi dynnu llun o'ch cerdyn brechu fel cofnod o'ch dos cyntaf.

Noder y gofynnir i chi ddod â dogfen adnabod gyda chi i'ch apwyntiad yn ogystal â thystiolaeth sy’n dangos eich bod wedi cael cynnig lle yn y Brifysgol. Derbynnir tystiolaeth ffotograffig/e-bost. 

Ble fydd angen i mi fynd i gael fy mrechlyn?

Mae rhestr o'n holl leoliadau lle efallai y gofynnir i chi fynychu eich apwyntiad wedi'i rhestru isod, os nad yw'r amser neu'r lleoliad ar eich llythyr gwahoddiad yn addas, cysylltwch â'n canolfan archebu ar 0300 303 1373.

Peidiwch â mynychu heb apwyntiad.