Atgyfnerthwyr Covid-19

Brechlyn yr Hydref Covid-19

Prif nod y rhaglen frechu COVID-19 genedlaethol o hyd yw atal salwch difrifol (mewn ysbytai a marwolaethau) sy'n deillio o COVID-19. Gan fod brechlynnau COVID-19 sydd ar gael ar hyn o bryd yn darparu amddiffyniad cyfyngedig yn erbyn afiechyd ysgafn ac asymptomatig, mae ffocws y rhaglen ar gynnig brechiad i'r rhai sydd fwyaf tebygol o elwa'n uniongyrchol o frechu, yn enwedig y rhai â chyflyrau iechyd sylfaenol sy'n cynyddu eu risg o fynd i'r ysbyty yn dilyn haint. Ar gyfer hydref 2024, mae JCVI yn cynghori y dylid cynnig brechlyn COVID-19 i:

Pobl rhwng 6 mis a 64 oed sydd â chyflwr iechyd hirdymor (sy’n cynnwys menywod beichiog a phobl â system imiwnedd wan)
Preswylwyr mewn cartref gofal i oedolion hŷn
Pobl 65 oed a hŷn (oed ar 31 Mawrth 2025)
Gofalwyr di-dâl
Staff sy'n gweithio mewn cartrefi gofal i oedolion hŷn

Eleni nid yw’r Cyd-bwyllgor ar Imiwneiddio a Brechu wedi argymell bod staff rheng flaen iechyd a gofal cymdeithasol yn cael Brechlyn Atgyfnerthu’r Hydref Covid-19. Os bydd unrhyw aelod o staff rheng flaen yn dymuno cael amddiffyniad pellach y gaeaf hwn, gallant wneud cais am Frechlyn Atgyfnerthu’r Hydref drwy fynd i un o glinigau brechu’r Bwrdd Iechyd a gwneud cais am frechlyn, neu gallant ffonio’r ganolfan trefnu brechlynnau ar 0300 303 1373.

Yn union fel mewn blynyddoedd blaenorol, byddwn yn dechrau ein brechiadau Atgyfnerthu’r Hydref mewn cartrefi gofal ledled Gwent. Yna byddwn yn gwahodd pob claf cymwys arall i dderbyn eu brechiad naill ai yn eu Practis Meddyg Teulu, Fferyllfa Leol neu glinig brechu cymunedol agosaf - bydd rhestr o Glinigau Brechu Cymunedol ar gael yma cyn bo hir.

Bydd llythyrau apwyntiad yn cael eu hanfon at bob claf cymwys erbyn 31 Hydref 2024. Os hoffech gysylltu â'n tîm archebu brechiadau gallwch wneud hynny drwy ffonio 0300 303 1373 rhwng 9am a 5pm, o ddydd Llun i ddydd Gwener neu drwy anfon e-bost at: abb.vsbc@wales. nhs.uk

Os hoffech ganslo a/neu aildrefnu eich apwyntiad gallwch wneud hyn drwy lenwi ein ffurflen ar-lein: