Diogelu ein cleifion a chi'ch hun wrth ymweld â'n safleoedd

Atal haint a'ch cadw'n ddiogel yn ein holl ysbytai

Mae gan bawb gyfrifoldeb i atal heintiau.  I lawer o bobl sy’n cael eu trin yn yr ysbyty ac yn derbyn gofal o fewn ein cymunedau, gall heintiau fod yn ddifrifol, ac mewn rhai achosion, gallant fygwth bywyd.

Mae tua 300,000 o bobl y flwyddyn yn cael heintiau o ganlyniad i ofal y GIG.  Y mathau mwyaf cyffredin yw heintiau anadlol (heintiau sy'n effeithio ar yr anadlu a'r ysgyfaint), heintiau'r llwybr wrinol a heintiau ger safle llawfeddygol.

Gallant hefyd wneud cyflyrau meddygol presennol yn waeth. Mae cyswllt rheolaidd â staff, preswylwyr eraill, teulu a ffrindiau a'r gofod byw a rennir oll yn golygu ei bod yn hawdd trosglwyddo haint. Mae’n hanfodol felly ein bod i gyd yn cymryd y camau a all helpu i atal heintiau rhag lledaenu.

 

 

Peidiwch ag ymweld â ni os:

• Ydych chi wedi dioddef dolur rhydd.  Amcangyfrifir bod hyd at 17 miliwn o achosion yn cael eu priodoli i ddolur rhydd heintus acíwt bob blwyddyn.
• Os ydych wedi chwydu
• Os ydych wedi cael peswch
• wedi cael annwyd neu ffliw - gall y ffliw ladd pobl sy’n agored i niwed
• cadwch draw o'r ysbyty nes byddwch wedi bod heb symptomau am 48 awr. Os oes gennych unrhyw amheuaeth, ffoniwch y ward i gael cyngor cyn ymweld

 

 

HYLENDID Y DWYLO

Hylendid dwylo yw un o'r ffyrdd pwysicaf o reoli lledaeniad heintiau, yn enwedig y rhai sy'n achosi dolur rhydd neu chwydu a heintiau anadlol.

 

Beth sydd angen i chi ei wneud

Golchwch eich dwylo gyda dŵr a sebon (neu defnyddiwch rwbiad dwylo alcohol) ar ôl defnyddio'r toiled, cyn bwyta neu drin bwyd, ar ôl amser chwarae ac ar ôl cyffwrdd ag anifeiliaid.

 

Os ydych yn ymweld â chlaf sydd yn yr ysbyty a'ch bod yn darparu gofal ymarferol (eu helpu i ymolchi neu wisgo), golchwch eich dwylo (neu defnyddiwch rwbiad dwylo alcohol) cyn ac ar ôl cyffwrdd â hwy.

 

Gellir defnyddio rhwbiad dwylo alcohol os nad yw'r dwylo’n ymddangos yn fudr. Nid yw rwbiad dwylo alcohol yn effeithiol yn erbyn organebau sy'n achosi gastroenteritis, megis norofeirws.

 

 

 

Peswch a thisian

Gall germau ledaenu'n hawdd wrth i rhywun beswch a thisian. Gall gorchuddio'ch trwyn a'ch ceg wrth disian a pheswch leihau lledaeniad heintiau.

Beth sydd angen i chi ei wneud

Dylai pob unigolyn, yn enwedig y rhai sydd agarwyddion a symptomau haint anadlol, ddilyn y canllawiau isod:

• Gorchuddiwch eich trwyn a'ch ceg â hances bapur wrth beswch a thisian, rhowch hancesi papur sydd wedi'u defnyddio mewn bin gwastraff, a golchwch eich dwylo
• dylech beswch neu disian i mewn i ochor fewnol y penelin (rhan uchaf eich llawes) os nad oes hancesi papur ar gael, yn hytrach nag i mewn i'ch llaw
• dylech gadw dwylo halogedig i ffwrdd o'r llygaid, y geg a'r trwyn
• dylech olchi eich dwylo'n iawn ar ôl dod i gysylltiad â secretiadau anadlol a gwrthrychau a deunyddiau halogedig

 

 

 

Defnyddwyr gwasanaeth / cleifion: beth allwch chi ei wneud i helpu?

• Mae cadw'ch dwylo a'ch corff yn lân yn arbennig o bwysig pan fyddwch yn yr ysbyty. Lle bo modd, cadwch gyflenwad o'ch nwyddau ymolchi eich hun, a'u cadw mewn bag ymolchi
• Golchwch eich dwylo bob amser yn syth cyn bwyta pryd o fwyd
• Golchwch eich dwylo bob amser ar ôl defnyddio'r toiled
• Os ydych yn pryderu nad yw unrhyw ardal yn edrych yn lân, rhowch wybod i'r nyrs sy’n gyfrifol am y ward ar unwaith
• Gwisgwch rhywbeth ar eich traed bob amser wrth gerdded o gwmpas yn yr ysbyty. Mae pâr cyfforddus o sliperi yn iawn ond gwnewch yn siŵr bod ganddynt rhywfaint o afael ar y gwadnau.
• Os oes angen i aelod o staff eich archwilio neu gyflawni gweithdrefn, gofynnwch a ydynt wedi golchi eu dwylo neu wedi defnyddio rhwbiad neu gel alcohol.
• Gofynnwch i'r nyrs sy’n gyfrifol am y ward cyn cyn dod ag unrhyw fwyd neu ddiod i mewn ar gyfer perthynas
• Mae cael pob brechlyn sydd ar gael i chi yn un o'r ffyrdd gorau o atal heintiau.

Oeddech chi'n gwybod?

Gofal Dwys a rhannau eraill o’n safleoedd sy’n agored iawn i niwed yw lle mae’r rhan fwyaf o frigiadau a heintiau’n digwydd oherwydd difrifoldeb salwch y cleifion sydd ynddynt. Fel arfer bydd cleifion yn aros yn yr amgylcheddau hyn am gyfnod hirach o amser hefyd, felly mae'n rhaid i ni gymryd mwy byth o ofal o ran mesurau ataliol megis y rhai sydd wedi’u crybwyll uchod.