Gwasanaethau Trafnidiaeth Lleol

Yn eich helpu i gynllunio eich taith

Mae'n bwysig meddwl yn gynnar am sut y byddwch chi'n cyrraedd ac yn ôl yn eich apwyntiad ysbyty. Dylech ofyn i deulu/ffrindiau/gofalwyr wirio a fyddent yn gallu eich casglu. Os oes gennych chi fagiau/eitemau ychwanegol, trefnwch i'r rhain gael eu casglu cyn i chi gael eich rhyddhau. Gwiriwch amserlenni neu wefannau trafnidiaeth gyhoeddus fel isod. I helpu i gynllunio'ch taith, dyma rai opsiynau ar gyfer cael mynediad i'n hysbytai:

Cymdeithas Trafnidiaeth Gymunedol (CTA)

Gall Cymdeithasau Trafnidiaeth Gymunedol eich helpu i ddod o hyd i ddarparwyr trafnidiaeth gymunedol neu wirfoddol yn eich sir. Mae hyn yn ddefnyddiol os nad ydych chi'n gymwys ar gyfer ein gwasanaeth trafnidiaeth cleifion ac na allwch ddefnyddio trafnidiaeth gyhoeddus.

Gwasanaethau trafnidiaeth gymunedol yw gwasanaethau lleol sydd wedi'u teilwra i anghenion y teithiwr. Maent yn darparu trafnidiaeth i bobl a fyddai fel arall dan anfantais oherwydd oedran, symudedd, anabledd neu leoliad ac yn gweithredu gwasanaeth drws i ddrws wedi'i deilwra.

Ledled Cymru, mae miloedd o staff a gwirfoddolwyr trafnidiaeth gymunedol yn helpu pobl i aros yn annibynnol, cymryd rhan yn eu cymunedau a chael mynediad at wasanaethau cyhoeddus hanfodol a chyflogaeth.

Ffôn: 01792 844 290

Ewch i wefan y CTA am ragor o wybodaeth

Cymorth gyda chostau

Dychwelyd adref o'r ysbyty
Os oes gennych anhawster dychwelyd adref, siaradwch ag aelod o staff, fel y gallant helpu os yn bosibl. Gall prif nyrsys ward a rheolwyr safle ysbyty ystyried talu am dacsi dan gontract os nad oes cludiant amgen ar gael i gleifion oedrannus bregus a theuluoedd ifanc agored i niwed. Y penderfyniad terfynol yw penderfyniad y brif nyrs ward a rheolwr safle'r ysbyty.