Clinig Androleg

Rydym yn arbenigo mewn androleg anfalaen, maes o feddygaeth sy'n ymwneud ag iechyd dynion. Mae hynny'n golygu diagnosio a thrin cyflyrau fel anhawster codiad, problemau alldaflu, anffrwythlondeb gwrywaidd a Chlefyd Peyronie (crymedd y pidyn).

Triniaethau a gynigir:

Meddyginiaethau geneuol
Dyfeisiau Cymorth Codi Gwactod (Pwmp Gwactod) gyda chefnogaeth arbenigol barhaus
Therapi Chwistrelliad Mewngafernosol
Triniaeth Mewn-wrethrol (e.e. MUSE)
Pliciad Llawfeddygol
Triniaeth gyfunol ar gyfer anffrwythlondeb gyda gynaecoleg
Atgyfeiriad at Gwnsela Seicorywiol
Atgyfeiriad ar gyfer Prosthesis Pidyn

Cynhelir ein clinigau yn Ysbyty Brenhinol Gwent, Llawr 2, o fewn yr Adran Wroleg.

Atgyfeiriad

Dim ond trwy eich meddyg teulu neu weithiwr gofal iechyd proffesiynol arall y gallwch gael eich atgyfeirio i'r gwasanaeth Androleg. Caiff pob atgyfeiriad ei wirio i ddechrau gan ymgynghorydd neu nyrs arbenigol a fydd hefyd yn penderfynu ar y cam nesaf ar gyfer eich gofal.

Apwyntiad

Gellir cynnig apwyntiadau ar wahanol adegau yn ystod yr wythnos, efallai y cynigir apwyntiad wyneb yn wyneb neu alwad ffôn i chi gydag ymgynghorydd neu nyrs arbenigol. Pan fyddwch chi'n ymweld â'r clinig, gofynnir i chi lenwi holiadur byr a chynnal arsylwadau cyffredinol, megis gwirio pwysedd gwaed, pwysau a thaldra. Bydd yr ymgynghorydd/nyrs arbenigol yn gofyn cwestiynau i chi am eich hanes meddygol, a'r feddyginiaeth sydd wedi'i rhagnodi i chi ar hyn o bryd. Efallai y bydd eich ymgynghoriad hefyd yn cynnwys archwiliad corfforol.

Ynghyd â chanllawiau ein Bwrdd Iechyd, bydd eich Meddyg Teulu yn eich asesu ac, os yw'n briodol, yn dechrau meddyginiaeth trwy’r geg ar gyfer y cyflwr hwn. Os nad yw meddyginiaeth trwy’r geg yn briodol, bydd eich Meddyg Teulu yn eich atgyfeirio at ein gwasanaeth anhawster codiad yn yr ysbyty lle trafodir a chynigir triniaethau mwy datblygedig.

Gwybodaeth Bellach:

Cyswllt

Cysylltwch â'r clinig os oes angen i chi ganslo neu ail-drefnu apwyntiad.

Ffôn: 01633 234981/234972