Beth yw anhwylder bwyta?

Mae anhwylderau bwyta yn gyflyrau iechyd meddwl cymhleth a all hefyd arwain at ganlyniadau corfforol eithafol. Mae gan y rhai sydd ag anhwylder bwyta berthynas afiach â bwyd ac yn aml bydd ganddynt ddiddordeb mawr mewn siâp, pwysau ac ymddygiadau rheoli pwysau.

Efallai na fydd rhywun sydd ag anhwylder bwyta’n bwyta digon, neu efallai y byddant yn bwyta gormod. Gall unrhyw un gael ei effeithio gan anhwylder bwyta (o unrhyw oedran, hil a rhyw) – nid y person sy’n dioddef yr anhwylder bwyta sydd ar fai a does neb yn dewis cael un.

Sut maen nhw'n datblygu?

Er efallai nad oes achos pendant i anhwylder bwyta i rai pobl, credir bod ffactorau risg biolegol, seicolegol a chymdeithasol yn gysylltiedig â datblygiad anhwylder bwyta.

Mae ffactorau risg biolegol yn cynnwys: rhywun yn eich teulu sydd ag anhwylder bwyta a/neu gyflwr iechyd meddwl arall. Mae ffactorau risg seicolegol yn cynnwys rhai nodweddion personoliaeth megis perffeithrwydd, meddwl obsesiynol ac anhyblyg. Mae ffactorau risg cymdeithasol yn cynnwys dylanwad y cyfryngau, barn teulu/ffrindiau am y 'delfryd', yn ogystal ag ymddygiadau eraill sydd allan o'n rheolaeth ee bwlio gan eraill.

Swyddogaethau anhwylder bwyta

Mae anhwylder bwyta yn gwasanaethu swyddogaeth i'r dioddefwr ac mewn llawer o achosion, mae'r anhwylder bwyta yn aml-ffactor. Mae rhai swyddogaethau cyffredin yn cynnwys:

• Ymdeimlad o gyflawniad.
• Teimlad o fod mewn rheolaeth.
• Darparu rhywbeth 'cyson'.
• Yn rhoi ymdeimlad o gysur.
• Bod fel ffrind.
• Dull o reoli emosiynau.
• Yn darparu ffordd o osgoi neu beidio â gorfod mynd i'r afael â herio neu problemau anodd ee emosiynau anodd
• Cynnal elfen o ddibyniaeth.
• Bod â hunaniaeth a rhywbeth sy'n perthyn i chi.

Mathau o anhwylderau bwyta

Mae gwahanol fathau o anhwylderau bwyta a bwriad y wybodaeth a ddarperir isod yw rhoi trosolwg byr i chi o’r mathau mwyaf cyffredin o anhwylderau bwyta a’r symptomau a’r ymddygiadau sy’n gysylltiedig â’r rhain.