Sut gallaf gefnogi rhywun ag anhwylder bwyta?
Awgrymiadau ar gyfer cefnogi rhywun o ddydd i ddydd:
- Byddwch yn amyneddgar a derbyniwch fod newid yn cymryd amser.
- Byddwch yn garedig a chydnabod bod eich anwylyn yn cael amser anodd.
- Byddwch yn chwilfrydig – gofynnwch gwestiynau am yr anhwylder bwyta a’i ddylanwad.
- Ceisiwch gymryd peth o’r ffocws a’r pwyslais oddi ar fwyd a bwyta amser bwyd – gan wneud y sgwrs yn fwy eang ac yn llai penodol ar yr anhwylder bwyta.
- Meddyliwch gyda'ch gilydd am fywyd heb yr anhwylder bwyta ac anogwch siarad am y dyfodol.
- Canolbwyntiwch ar rinweddau a phriodoleddau cadarnhaol eich anwyliaid ac atgoffwch eich anwylyn o'r rhain.
- Ceisiwch gadw'n glir o sylwadau am siâp, pwysau neu olwg – oherwydd gellir dehongli'r rhain yn negyddol.
- Byddwch yn galonogol a darparwch ddatganiadau cadarnhaol i godi calon ee “Rwy'n gwybod bod hyn yn anodd i ti ond galli wneud hyn.” “Rwy’n falch ohono ti.” “Rwy’n gwybod pa mor galed yr wyt ti'n gweithio.” “Rwyt ti wedi gwneud hyn o'r blaen a galli wneud hyn eto.” “Bydd y sefyllfa hon yn gwella.” “Rydw i yma dy helpu”.
- Cysurwch a chofleidiwch eich anwylyn. Dangoswch iddyn nhw fod rhywun yn gofalu amdanyn nhw ac yn eu caru.
- Anogwch eich anwylyn i siarad â chi a chynnig clust anfeirniadol i wrando.
- Darparwch le diogel, calonogol a llawn dealltwriaeth iddynt fynd i'r afael â heriau'r anhwylder bwyta a'u hatgoffa eich bod yn union wrth eu hymyl i helpu gyda hyn.
- Gofynnwch iddynt eich arwain gan egluro beth y byddent yn ei gael fwyaf defnyddiol a mwyaf di-fudd mewn rhai sefyllfaoedd.
- Ceisiwch osgoi cydgynllwynio â'r anhwylder bwyta a 'bwydo i mewn' i hyn. Os byddwch chi'n sylwi ar ymddygiadau anhwylderau bwyta, peidiwch â bod ofn tynnu sylw at y rhain a gofyn am y rhain mewn ffordd nad yw'n gyhuddgar/dadleuol.
- Cofiwch fod gan eich anwylyn hunaniaeth ar wâhan i'r anhwylder bwyta. Ceisiwch wahanu eich anwylyd oddi wrth ei anhwylder bwyta a chanolbwyntio ar yr ochr nad yw'n ymneud â'r anhwylder bwyta.
- Anogwch weithgareddau a chanolbwyntiwch ar bethau nad ydynt yn ymwneud â bwyd, pwysau ac ymddangosiad. Cynyddwch weithgareddau cymdeithasol ac osgoi unigedd – ceisiwich gadw eich perthnasoedd mor normal â phosibl (yn unol ag anhwylder cyn-bwyta).
- Byddwch yn bositif – mae newid ac adferiad yn bosibl.
- Mynegwch eich meddyliau a'ch teimladau eich hun ond sicrhewch fod unrhyw feio neu dôn gyhuddgar yn cael ei osgoi.
- Mynegwch bryderon am les cyffredinol eich anwyliaid.
- Dysgwch gymaint ag y gallwch am anhwylderau bwyta a sut i gefnogi rhywun ag anhwylder bwyta.
- Anogwch eich anwylyn i gymryd rhywfaint o gyfrifoldeb am eu gofal, eu penderfyniadau a'u camau i wella.
- Atgyfnerthwch y cariad a'r gofal sydd gennych tuag at eich anwylyn, waeth beth fo'r cyflawniadau neu'r hyn y mae'n ei feddwl/teimlo amdano'i hun.
- Gwnewch yn siŵr eich bod yn cymryd peth amser i ofalu amdanoch eich hun.
Fel gwasanaeth rydym yn cydnabod y rhan hollbwysig y mae cefnogwyr/anwyliaid yn ei chwarae ar daith unigolyn wrth iddynt wella o anhwylder bwyta. Rydym felly yn sicrhau bod cefnogwyr/anwyliaid yn teimlo eu bod yn cael eu cefnogi gan y gwasanaeth trwy gynnig:
- Adnoddau wedi'u datblygu ar gyfer cefnogwyr/anwyliaid sy'n ymwneud â chymorth gyda prydau bwyd ac ymdopi â thrallod.
- Cynnig sesiynau 1:1 gydag aelod o’r tîm i ddarparu cefnogaeth/cyngor/addysg.
- Cyfle i fynychu grŵp cefnogwyr misol – gwybodaeth isod.
Efallai bod eich anwylyn yn wrthwynebus iawn i'r syniad o newid a gall y gwrthwynebiad hwn achosi anawsterau weithiau. Mae gan wefan BEAT adran ar gefnogi rhywun a fydd, gobeithio, yn darparu cefnogaeth.