Mae plant mewn gofal am nifer o resymau, weithiau am gyfnod byr yn unig, neu mewn rhai achosion, nes eu bod yn cyrraedd 18 oed a thu hwnt. Gall plant fod mewn gofal oherwydd bod eu rhieni wedi gwneud cytundeb gyda'r Awdurdod Lleol neu gall fod oherwydd dyfarniad llys sy'n dweud nad yw'r plentyn yn gallu byw gyda'i deulu ei hun ac mae angen gofalu amdano mewn gofal.
Gallai bod mewn gofal olygu bod plentyn yn byw gyda'i rieni, teulu estynedig a ffrindiau, gofalwyr maeth, mewn cartrefi Preswyl i Blant neu mewn llety diogel.
Rydym yn dîm o Nyrsys Arbenigol sy'n gweithio mewn partneriaeth agos â phlant, pobl ifanc, eu gofalwyr, Awdurdodau Lleol a llu o ddarparwyr gwasanaethau iechyd i sicrhau bod anghenion iechyd plant a phobl ifanc yn cael eu cefnogi a'u diwallu lle bo modd tra byddant yn parhau i fod mewn gofal.
Asesiad iechyd cychwynnol: Pan fyddwch mewn gofal bydd angen asesiad iechyd arnoch. Cynhelir yr asesiad iechyd cychwynnol yn fuan ar ôl dod i ofal.
Adolygiad o'r asesiad iechyd: cynhelir hwn bob 6 mis os ydych chi o dan 5 oed a bob 12 mis os ydych chi dros 5 oed.
Bydd eich Nyrs Arbenigol yn sicrhau bod asesiad iechyd o ansawdd uchel yn cael ei gynnig i blant sy'n derbyn gofal a gall gynnig gwybodaeth a chefnogaeth ynghylch amrywiaeth o faterion megis; rhoi'r gorau i ysmygu, bwyta'n iach/pwysau iach, perthnasoedd, rhyw diogel, ymwybyddiaeth o gyffuriau ac alcohol.
Gallwn eich atgyfeirio at wasanaethau eraill, gyda'ch caniatâd er enghraifft;
• Dietegydd
• Meddyg Teulu
• Rhoi'r Gorau i Ysmygu
• Clinigau Iechyd Rhywiol
• Nyrs Ysgol/Gwasanaethau Ymwelwyr Iechyd
• Gwasanaethau Deintyddol Cymunedol
• Gwasanaeth Awdioleg
Os ydych chi'n byw mewn gofal ac i ffwrdd o gartref, efallai yr hoffech chi siarad yn gyfrinachol â rhywun am eich pryderon. Gall y tîm Iechyd Plant sy'n Derbyn Gofal wrando a'ch helpu i gael rhagor o gymorth a chefnogaeth.
Rydym yn gyfeillgar, yn hawdd mynd atoch ac yn ddi-feirniadaeth, byddwn yn cadw unrhyw wybodaeth yn gyfrinachol (cyn belled nad ydych chi mewn perygl o niwed i chi'ch hun nac i eraill). Byddem bob amser yn dweud wrthych chi pan fyddwn yn rhannu gwybodaeth.