Ysbyty Brenhinol Gwent

Heol Caerdydd

Casnewydd

NP20 2UB

Ffôn: 01633 234234

Sylwch- nid oes Adran Achosion Brys yn Ysbyty Brenhinol Gwent. Rhaid i argyfyngau sy'n bygwth bywyd fynd i Ysbyty Athrofaol Y Faenor.

Mae Ysbyty Brenhinol Gwent yn parhau i ddarparu gofal o'r radd flaenaf i drigolion Gwent a De Powys. Mae'n darparu ystod eang o wasanaethau a bydd yn canolbwyntio ar ddarparu gofal cyffredinol ac arferol, gan gynnwys:

• Uned Mân Anafiadau dan arweiniad nyrs 24/7
• Llawfeddygaeth wedi'i Chynllunio a gofal ar ôl i chi gael anesthetig cyffredinol
• Uned Asesu Meddygol
• Llawfeddygaeth Wedi'i Gynllunio a gofal ar ôl i chi gael anesteteg cyffredinol.
• Gwasanaethau Adsefydlu a Therapi - Gwasanaethau fel Ffisiotherapi a Lleferydd ac Iaith

• Gwasanaethau Diagnostig - Asesiadau, Sganiau a Phelydrau-X sydd eu hangen ar gyfer ymchwiliadau gan gynnwys sganiau MRI a CT
• Amrywiaeth eang o Glinigau Cleifion Allanol Arbenigol
• Uned Eiddilwch Gwell ar gyfer gofalu am bobl hŷn

• 371+ o welyau Cleifion Preswyl

• Apwyntiadau Cleifion Allanol Plant

• Gwasanaethau Mamolaeth

Darperir Gofal am Fân Anafiadau gan Uned Mân Anafiadau Ysbyty Brenhinol Gwent, sy'n cael ei rhedeg gan ein Ymarferwyr Nyrsio Brys.  Mae Ymarferwyr Nyrsio Brys yn Weithwyr Clinigol Proffesiynol profiadol sy'n arbenigo mewn rheoli Mân Anafiadau.

Byddant yn gallu eich trin os oes gennych asgwrn wedi torri, ysigiad, clais, clwyf, llosg bach, brathiad, neu fân anaf i'r llygad neu'r pen a llawer o anafiadau eraill. Bydd y gwasanaeth hwn ar gael 24 awr y dydd, saith diwrnod yr wythnos.

Mae Ysbyty Athrofaol y Faenor yn darparu gwasanaethau arbenigol ar gyfer ein cleifion mwyaf difrifol sâl neu'r rhai ag anafiadau sylweddol a hwn yw'r Uned Drawma Ddynodedig ar gyfer Gwent. Mae'n debygol, os bydd angen i chi gael gofal yn Ysbyty Athrofaol y Faenor, y cewch eich cyfarwyddo yno gan Weithiwr Gofal Iechyd Proffesiynol neu eich cludo yno ar ôl ffonio 999.

Beth yw Uned Asesu Meddygol?

Os oes gennych argyfwng meddygol neu salwch difrifol y mae angen ei ddiagnosio, yna cewch eich cyfeirio at un o'n Unedau Asesu Meddygol. Bydd Meddygon sy'n gweithio yn y cyfleusterau hyn yn cynnal profion ac yn eich asesu cyn penderfynu ar y cwrs triniaeth gorau i chi. Ni allwch gerdded i mewn i Uned Asesu Meddygol - mae angen i chi gael eich cyfeirio gan eich meddyg teulu, parafeddyg, neu weithiwr proffesiynol meddygol arall.

Mae'r rhan fwyaf o'n cleifion sy'n cael eu cyfeirio at Uned Asesu Meddygol yn mynd adref ar yr un diwrnod. Bydd y rhai sydd angen eu derbyn i'r Ysbyty i gael gofal pellach yn cael eu symud i un o'n Wardiau. Efallai y bydd rhai cleifion yn symud i Ysbyty gwahanol i dderbyn y gofal sydd ei angen arnynt.

Gofalu am Blant

Mae gan Ysbyty Brenhinol Gwent Adran Cleifion Allanol bwrpasol ar gyfer plant a fydd yn darparu man chwarae i apwyntiadau clinig.

Bydd gofal brys i blant o dan flwyddyn oed yn digwydd yn Ysbyty Athrofaol y Faenor. Dylai plant dros flwyddyn oed barhau i fynd i Ysbyty Brenhinol Gwent am fân anafiadau.

Gwasanaethau Mamolaeth

Ar gyfer gofal cyn ac ar ôl genedigaeth, mae Ysbyty Brenhinol Gwent yn darparu clinigau cynenedigol ac ôl-enedigol dan arweiniad ymgynghorwyr a bydwragedd. 

Am fwy o wybodaeth am opsiynau geni sydd ar gael, ewch i Ymgysylltiad 12 Wythnos Gwasanaethau Mamolaeth.

Cael y gofal iawn i chi

Os bydd eich iechyd yn dirywio tra'ch bod yn cael triniaeth yn Ysbyty Brenhinol Gwent a bod angen mynediad at yr Arbenigwyr neu'r Gofal Critigol a ddarperir yn Ysbyty Athrofaol y Faenor, byddwn yn eich trosglwyddo yno trwy ein gwasanaeth cludo cleifion pwrpasol.