Beth allwch chi ei ddisgwyl fel Hyrwyddwr ...
- Derbyn diweddariadau rheolaidd gan y Bwrdd Iechyd am wasanaethau, ymgyrchoedd a datblygiadau newydd.
- Cael eich gwahodd i fynychu cyfarfodydd rhithwir gyda'n Tîm Cyfathrebu ac Ymgysylltu tua unwaith bob chwarter.
- Derbyn cylchlythyr sy'n crynhoi'r prif ddiweddariadau a'r trafodaethau o bob cyfarfod.
- Cael mynediad at badlet wybodaeth y gallwch ei defnyddio ar unrhyw adeg i lawrlwytho adnoddau.
- Bod yn hyderus bod y wybodaeth a ddarperir gan y Bwrdd Iechyd yn gywir, yn amserol ac yn gyfredol.
- Derbyn cymorth gan ein tîm mewn perthynas ag unrhyw gwestiynau neu adborth a godir gennych chi neu eich rhwydwaith.
- Cael cyfleoedd i gysylltu a rhannu profiadau gyda hyrwyddwyr eraill o bob rhan o'r rhanbarth.
Yr hyn rydym yn gofyn gennych chi…
Fel Hyrwyddwr Cymunedol Nye, gofynnwn yn garedig am eich cefnogaeth i:
- Rannu gwybodaeth iechyd gywir, ymgyrchoedd a diweddariadau am wasanaethau gyda’ch rhwydweithiau.
- Helpu ni i ddeall barn, profiadau a phryderon cymunedau lleol drwy weithredu fel ein “llygaid a’n clustiau ar lawr gwlad”.
- Cymryd rhan mewn cyfleoedd ymgysylltu ac ymgynghori lle bo modd.
- Darparu adborth ac awgrymiadau i helpu i lunio cyfathrebiadau, ymgyrchoedd a gweithgareddau ymgysylltu yn y dyfodol.
Mae eich mewnwelediad a’ch gwybodaeth leol yn amhrisiadwy wrth ein helpu i wella gwasanaethau a sicrhau bod gwybodaeth yn cyrraedd y bobl sydd ei hangen fwyaf.