Atgyfnerthwyr Covid-19

Bydd cynnig Dos Atgyfnerthu'r Hydref Covid-19 yn dod i ben ar 31 Mawrth 2025.

Mae POB un o'n clinigau brechu ar agor i chi gerdded i mewn heb apwyntiad.   Mae rhestr o’n clinigau, oriau agor a’u cyfeiriadau i’w gweld yma: Clinigau Brechu Cymunedol - Bwrdd Iechyd Prifysgol Aneurin Bevan (gig.cymru).

Prif nod y rhaglen frechu COVID-19 genedlaethol o hyd yw atal salwch difrifol (mewn ysbytai a marwolaethau) sy'n deillio o COVID-19. Gan fod brechlynnau COVID-19 sydd ar gael ar hyn o bryd yn darparu amddiffyniad cyfyngedig yn erbyn afiechyd ysgafn ac asymptomatig, mae ffocws y rhaglen ar gynnig brechiad i'r rhai sydd fwyaf tebygol o elwa'n uniongyrchol o frechu, yn enwedig y rhai â chyflyrau iechyd sylfaenol sy'n cynyddu eu risg o fynd i'r ysbyty yn dilyn haint.

Pwy sy'n gymwys ar gyfer Dos Atgyfnerthu'r Hydref?

Ar gyfer Hydref 2024, mae JCVI yn cynghori y dylid cynnig brechlyn COVID-19 i:

• Pobl rhwng 6 mis a 64 oed sydd â chyflwr iechyd hirdymor (sy’n cynnwys menywod beichiog a phobl â system imiwnedd wan)
• Preswylwyr mewn cartref gofal i oedolion hŷn
• Pobl 65 oed a hŷn (oed ar 31 Mawrth 2025)
• Gofalwyr di-dâl
• Staff sy'n gweithio mewn cartrefi gofal i oedolion hŷn

Eleni nid yw canllawiau JVCI wedi argymell bod Staff Rheng Flaen Iechyd a Gofal Cymdeithasol yn cael Atgyfnerthiad Hydref Covid-19 , fodd bynnag, os bydd unrhyw Rheng Flaen Iechyd a Gofal Cymdeithasol yn dymuno cael amddiffyniad ychwanegol y gaeaf hwn gallant ofyn am frechlyn Atgyfnerthu’r Hydref drwy fynd i un o glinigau brechu ein Bwrdd Iechyd a gofyn am frechlyn, neu gallant ffonio’r ganolfan archebu, 03003 303.

Sut i gysylltu â ni

Os hoffech gysylltu â’n tîm archebu brechiadau gallwch wneud hynny drwy ffonio 0300 303 1373 rhwng 9am a 5pm, o ddydd Llun i ddydd Gwener neu drwy anfon e-bost at: abb.vsbc@wales.nhs.uk

Sylwch fod y ganolfan archebu brechiadau ar gau ar wyliau banc.

Sut i aildrefnu neu ganslo eich apwyntiad

Os hoffech ganslo a/neu aildrefnu eich apwyntiad gallwch wneud hyn drwy lenwi ein ffurflen ar-lein.