Atgyfnerthwyr Covid-19
Brechlyn atgyfnerthu COVID-19 y gwanwyn 2025
Bydd Rhaglen Brchlyn Atgyfnerthu COVID-19 y Gwanwyn yn dechrau ar 1af Ebrill 2025 ac yn rhedeg tan 30ain Mehefin 2025.
Prif nod y rhaglen frechu COVID-19 genedlaethol o hyd yw atal salwch difrifol (anfon pobl i’r ysbyty a marwolaethau) sy'n deillio o COVID-19. Gan mai ychydig o amddiffyniad mae brechlynnau COVID-19 presennol yn ei roi yn erbyn mân afiechyd ac afiechyd heb symptomau, mae ffocws y rhaglen ar gynnig brechlyn i'r rheiny sydd fwyaf tebygol o elwa'n uniongyrchol o gael brechlyn, yn enwedig y rhai sydd â chyflyrau iechyd isorweddol sy'n cynyddu eu risg o orfod mynd i'r ysbyty yn dilyn haint.
Rhagor o wybodaeth
Mae rhagor o wybodaeth am frechlynnau COVID-19 ar gael ar wefan Gwybodaeth Brechlyn COVID-19 - Iechyd Cyhoeddus Cymru
Mae gwybodaeth am frechlynnau mewn fformatau hygyrch hefyd ar gael ar wefan Imiwneiddio a Brechlynnau - Iechyd Cyhoeddus Cymru
Pwy sy'n gymwys?
Ar gyfer Gwanwyn 2025, mae’r JCVI yn cynghori y dylid cynnig brechlyn COVID-19 i:
• pobl 75 oed a hŷn;
• preswylwyr mewn cartrefi gofal i bobl hŷn; a
• unrhyw un chwe mis oed ac hŷn sydd â system imiwnedd wan
Sut byddaf yn cael fy ngwahodd?
Yn union yr un modd â’r blynyddoedd blaenorol, byddwn yn dechrau rhoi ein brechlynnau atgyfnerthu y gwanwyn mewn cartrefi gofal ledled Gwent. Yna byddwn yn gwahodd pob claf cymwys arall i gael eu brechlyn naill ai yn eu Practis Meddyg Teulu, Fferyllfa Leol, neu glinig brechu cymunedol agosaf.
Bydd llythyrau apwyntiad yn cael eu hanfon at bob claf cymwys. Os oes gennych rif ffôn symudol wedi'i gofrestru ar ein system bydd apwyntiad a nodyn atgoffa yn cael ei anfon dros neges destun i chi.
Clinigau Brechu Cymunedol
Gellir dod o hyd i restr o Glinigau Brechu Cymunedol yma: Clinigau Brechu Dros Dro - Bwrdd Iechyd Prifysgol Aneurin Bevan
Amseroedd apwyntiad a lleoliad
Din ond trwy apwyntiad y bydd modd gweld cleifion mewn clinigau
Os nad yw amser eich apwyntiad neu leoliad eich apwyntiad yn addas, cysylltwch â’n canolfan trefnu brechiadau a bydd aelod o’n tîm yn hapus i newid eich apwyntiad i chi.
Sut i gysylltu â ni
Os hoffech gysylltu â’n tîm trefnu brechiadau gallwch wneud hynny drwy ffonio 0300 303 1373 rhwng 9am a 5pm, o ddydd Llun i ddydd Gwener neu drwy anfon e-bost at: abb.vsbc@wales.nhs.uk
Os hoffech ganslo a/neu aildrefnu eich apwyntiad gallwch wneud hyn drwy lenwi ein ffurflen ar-lein: Ffurflen y ganolfan trefnu apwyntiadau
Yn galw ar ran claf?
Dim ond os yw'r claf wedi rhoi caniatâd i ni wneud hynny y bydd ein tîm trefnu apwyntiadau ar gael i siarad â chi ar ran claf. Os nad ydych wedi cael y caniatâd hwn mewn ymgyrchoedd blaenorol, yna sicrhewch eich bod gyda'r claf pan fyddwch yn ffonio.