Adroddiad Cyfarwyddwr Iechyd y Cyhoedd: Ein Dyfodol, Ein Llais: Babanod, Plant a Phobl Ifanc Gwent
Am yr Adroddiad
“Bob blwyddyn, mae Cyfarwyddwyr Iechyd y Cyhoedd yn
cynhyrchu adroddiad blynyddol sy'n adrodd hanes iechyd
eu poblogaeth. Yn draddodiadol, mae'r adroddiadau hyn yn
ddogfennau eithaf ffurfiol. Eleni, yn dilyn y pedair blynedd
diwethaf, roeddwn i eisiau iddo fod yn wahanol. Iddo gael ei
ysgrifennu gan blant Gwent am blant Gwent. Dyma gyfle arall
i glywed am effeithiau'r pandemig a deall beth mae iechyd yn
ei olygu i'n pobl ifanc.
Mae hyn yn cyfrannu ymhellach at y gwaith rydym yn ei wneud
er mwyn mynd i'r afael ag anghydraddoldebau ac anelu at
greu Gwent decach, mwy diogel, cryfach ac iachach fel rhan
o'n gwaith Rhanbarth Marmot parhaus. Gyda'r adroddiad
hwn, rydym yn rhoi llais cryfach i fabanod, plant a phobl
ifanc. Roeddwn i eisiau deall yr etifeddiaeth y mae'r
pandemig wedi'i gadael a'r effaith ar ein plant.
Bydd ein hadroddiad yn rhannu profiadau personol
gan blant ac yn ysbrydoli pobl i feddwl am yr hyn y
gallwn ei wneud er mwyn gwneud Gwent yn fan lle
gall ein babanod, ein plant a'n pobl ifanc ffynnu. Mae'r
adroddiad yn gorffen gyda llythyr agored, wedi'i gasglu
o'r hyn sydd wedi'i rannu. Bydd hyn yn llywio'r Strategaeth
Babanod, Plant a Phobl Ifanc y byddwn yn ei datblygu
dros y misoedd nesaf.”
Tracy Daszkiewicz, Cyfarwyddwr Iechyd y Cyhoedd, Gwent