Adolygiad Blynyddol a'r 8 Proses Gofal

Os ydych wedi cael diagnosis o Ddiabetes, mae gennych hawl i gael adolygiad blynyddol yn eich meddygfa.

Yn ystod yr adolygiad hwn (a all gynnwys dau apwyntiad), bydd ymarferwyr yn cwblhau cyfres o brofion a gwerthusiadau rheolaidd a argymhellir ar gyfer rheoli diabetes, er mwyn nodi a helpu i atal cymhlethdodau posibl.

Beth i'w ddisgwyl yn eich apwyntiad

• Byddwch yn cael prawf gwaed sy'n bwysig ar gyfer ychydig o bethau. Byddwn yn gwirio eich HbA1C, gweithrediad yr arennau a lefelau colesterol.
• Bydd disgwyl i chi hefyd ddarparu sampl wrin sydd, yn ogystal â'r uchod, yn hanfodol i ganfod arwyddion rhybuddio cynnar am eich arennau.
• Byddwch yn derbyn gwiriad traed sy'n chwilio am ddifrod i'r nerfau (niwropathi), cylchrediad gwael (ischaemia), problemau croen, a ffactorau risg eraill.
• Bydd eich pwysedd gwaed yn cael ei gymryd, ynghyd â'ch taldra a'ch pwysau i adolygu BMI.
• A byddwn hefyd yn cael trafodaeth am ffactorau ‘ffordd o fyw’ gan gynnwys ysmygu, ymarfer corff a bwyta'n iach

Gall profion rheolaidd a chwblhau'r 8 proses gofal hyn i fonitro a rheoli diabetes math 2 helpu i leihau'r risg o gymhlethdodau ac i’w canfod yn gynnar.