Mynychu apwyntiad
Pan fyddwch yn cael eich cyfeirio at ein gwasanaeth, byddwn yn eich gwahodd i apwyntiad gydag un o'n nyrsys arbenigol. Yn dibynnu ar eich amgylchiadau, bydd hyn naill ai mewn clinig lleol neu efallai y byddwn yn dod i'ch cartref.
Yn ystod eich apwyntiad, byddwn yn trafod eich hanes meddygol, y problemau rydych wedi bod yn eu cael ac unrhyw feddyginiaeth yr ydych yn ei chymryd. Gallwn hefyd:
- profi sampl o'ch wrin
- gwneud sgan uwchsain
- gwneud archwiliad corfforol o'r fagina neu rhefr
Unwaith y byddwn wedi eich asesu, byddwn yn trafod eich opsiynau ac yn creu cynllun triniaeth wedi'i deilwra i'ch anghenion. Gall eich triniaeth gynnwys pethau fel:
- ymarferion llawr y pelfis
- meddyginiaeth
- newidiadau i'ch ffordd o fyw
- hyfforddiant y bledren neu'r coluddyn
- offer arbenigol
Yna byddwn yn cytuno ar gynllun dilynol fel y gallwn weld sut mae pethau’n mynd. Efallai y byddwn hefyd yn eich cyfeirio at wasanaethau eraill fel:
- Therapi Galwedigaethol
- Ffisiotherapi
- Wroleg
Byddwch yn cael eich rhyddhau o wasanaeth y Bledren a'r Coluddyn unwaith y bydd eich triniaeth wedi'i chwblhau neu pan na fydd modd gwneud unrhyw gynnydd pellach.
Os byddwch yn methu apwyntiad heb gysylltu â ni ymlaen llaw, byddwch yn cael eich rhyddhau'n awtomatig o'r gwasanaeth.