Sut gallwn ni helpu?

Pan fydd gan bobl ifanc broblemau iechyd gall weithiau fod yn ofidus iddynt hwy ac i bawb yn y teulu. Gall anawsterau gyda'ch iechyd deimlo'n anodd a gall effeithio ar eich meddyliau, eich teimladau, eich ymddygiad a'ch lles. Mae ein gwasanaeth yn cynnig cyfle i bobl ifanc a’u teuluoedd siarad am y meysydd hyn, a lle bo’n briodol gweithio gyda’i gilydd i ddod o hyd i ffyrdd o ddelio â phethau a all eu helpu i ymdopi â’u sefyllfa. Gall y ffordd y mae plant a theuluoedd unigol yn ymdopi â’r heriau y maent yn eu hwynebu, ac yn addasu iddynt, fod yn wahanol i bawb.

Daw rhieni, plant a phobl ifanc i weld y tîm am bob math o resymau.

Gall rhai o’r rhain gynnwys:

  • Delio â thrallod emosiynol
  • Teimlo'n nerfus neu'n bryderus am weithdrefnau
  • Poeni am fod yn yr ysbyty
  • Poeni am salwch neu gael triniaeth
  • Pryderon am orfod cael pigiadau, nodwyddau, sganiau ac ati.
  • Bod yn bryderus am golli ysgol neu deimlo'n 'wahanol'
  • Bwlio yn yr ysgol
  • Hyder/hunan-barch isel
  • Poeni am eich pwysau

 

Sut gallwn ni helpu:

  • Paratoi ar gyfer llawdriniaethau yn yr ysbyty a gweithdrefnau meddygol eraill
  • Eich helpu i ofalu am eich lles
  • Addasu i gyflwr neu ddiagnosis
  • Derbyn byw gyda phroblem iechyd corfforol
  • Rheoli ac ymdopi â chyflwr iechyd
  • Meddwl am siarad ag eraill am eich cyflwr iechyd (gall fod yn anodd gwybod beth i’w ddweud!)
  • Dod o hyd i gymhelliant i wneud newidiadau
  • Gosod nodau cyraeddadwy