Tîm Beichiogrwydd Iach
Mae'r gwasanaeth hwn ar gyfer pobl sydd yn feichiog ers o leiaf 12 ac sydd â BMI o 30 neu fwy. Mae’r Tîm Beichiogrwydd Iach yn darparu cymorth a chyngor i’ch helpu i fwyta’n dda, bod yn actif a rhoi pwysau ymlaen mewn ffordd iach yn ystod beichiogrwydd a thu hwnt. Mae ein tîm yn cynnwys Deietegwyr ac Ymarferwyr Cynorthwyol Mamolaeth a all gynnig sesiynau un-i-un wedi'u teilwra i chi, grwpiau i'ch cefnogi gyda bwyta'n iach a choginio yn ogystal â dosbarthiadau ymarfer cyn geni lleol.
Mae rhagor o wybodaeth ar gael yn ein Taflen Beichiogrwydd Iach.
I ddarganfod mwy a chwrdd â'r tîm, gwyliwch y fideo canlynol.
Gwybodaeth ac Adnoddau Defnyddiol
Isod mae dolenni i adnoddau defnyddiol, sut y gallech gael eich cyfeirio a sut i gysylltu â ni.
Efallai y bydd eich bydwraig yn cynnig cymorth i chi ac yn eich cyfeirio at y Tîm Beichiogrwydd Iach ar ddechrau eich beichiogrwydd. Os teimlwch eich bod yn bodloni’r meini prawf ac yr hoffech gael cymorth, cysylltwch â ni dros y ffôn ar: 0300 303 4906 (opsiwn 3).
I gael adnodd rhyngweithiol a all eich cefnogi gyda newidiadau iach, mae ap Foodwise yn ystod beichiogrwydd am ddim i'w lawrlwytho o'r Google Play neu'r App Store.
Gall yr Ap Bwyd Doeth yn ystod Beichiogrwydd weithio ar ei ben ei hun neu ochr yn ochr â chymorth gan y Tîm Beichiogrwydd Iach i gynnig gwybodaeth ac awgrymiadau i fenywod ar fwyta'n iach, cadw'n heini a sicrhau cynnydd pwysau iach yn ystod beichiogrwydd. Mae'n rhannu gwybodaeth yn chwe adran y gallwch weithio drwyddynt ar eich cyflymder eich hun. Gyda gemau rhyngweithiol, cwisiau ac offer, mae'n cynnwys awgrymiadau a chyngor ar gyfer cyflawni diet iach, syniadau ymarferol ar gyfer cadw'n heini, ryseitiau, awgrymiadau siopa a chynlluniwr prydau bwyd, yn ogystal ag ymarferion beichiogrwydd diogel cam wrth gam.
Taflen Ffeithiau Bwyd BDA - Beichiogrwydd - I gael gwybodaeth gryno a chyngor ar faeth a diogelwch bwyd yn ystod beichiogrwydd
Gwefannau ar gyfer beichiogrwydd
- GIG Cadw'n iach yn ystod beichiogrwydd – Gwybodaeth ac arweiniad ar sut i ofalu amdanoch chi'ch hun a'ch babi tra'ch bod yn feichiog.
- Dechrau am Oes - Cymorth a chyngor dibynadwy gan y GIG yn ystod beichiogrwydd, genedigaeth a magu plant
- Cychwyn Iach - Am help i brynu bwyd iach a fitaminau trwy'r Cynllun Cychwyn Iach
- Am ryseitiau a syniadau am brydau yn ystod beichiogrwydd ac ar gyfer y teulu cyfan
- Iachach Gyda'n Gilydd - Gwella lles mamau beichiog, babanod, plant a phobl ifanc ledled Iechyd Prifysgol Aneurin Bevan
-
Pregnancy Sickness Support | UK Charity - Os ydych yn dioddef o salwch beichiogrwydd
Ryseitiau a syniadau prydau bwyd yn ystod beichiogrwydd ac ar gyfer y teulu cyfan
Fideos