Ymgysylltu Cymunedol

Mae cyfarfod â phobl, siarad â phobl, a gwrando ar yr hyn sydd ganddynt i'w ddweud, yn bwysig i helpu'r Bwrdd Iechyd i ddeall problemau y mae cymunedau ledled Gwent yn eu profi gyda gwasanaethau iechyd lleol. Mae’r Bwrdd Iechyd yn cynnal rhaglen ymgysylltu gymunedol gynhwysfawr sy’n sicrhau y gall cymunedau siarad yn uniongyrchol â staff y Bwrdd Iechyd a rhannu eu barn am wasanaethau iechyd.

Mae ein rhaglen ymgysylltu wedi ei rhannu’n deg yn ddaearyddol ar draws ein pum awdurdod lleol sef Blaenau Gwent, Caerffili, Sir Fynwy, Casnewydd a Thorfaen.

Mae’r tîm yn cwrdd yn rheolaidd â’r cyhoedd mewn grwpiau lleol megis caffis cymunedol pobl hŷn, Grwpiau babis a phlant bach, grwpiau Knit & Natter, a Hybiau Cynnes; mewn digwyddiadau lleol ac mewn lleoliadau gwaith. Yn ystod 2024 bu i’r Bwrdd Iechyd siarad yn uniongyrchol â dros 4552 o breswylwyr mewn 216 o leoliadau.