Casnewydd

Mae Casnewydd yn ddinas aml-ddiwylliannol, gyda'i hawyrgylch unigryw ei hun. Mae 156,447 o bobl yn byw yma ac mae'n ymestyn dros ardal ddaearyddol o 73.5 milltir sgwâr.

Mae ardaloedd yn y Fwrdeistref hon sydd â’r lefelau uchaf o amddifadedd a rhai o’r ardaloedd mwyaf cyfoethog ac mewn rhai achosion, maent yn agos iawn at ei gilydd (o fewn pellter cerdded weithiau).

Mae gan Gasnewydd boblogaeth sy'n heneiddio, a gwelwyd cynnydd o 8.6% yn y bobl dros 65 oed rhwng 2011 a 2015. Mae disgwyl i'r cynnydd hwn barhau, gyda rhagamcan y bydd nifer y bobl yn y categori hwn yn cynyddu i 37,241 erbyn 2039, gyda hynny’n cyfrif am bron i chwarter y boblogaeth.

Mae gan Gasnewydd ddau rwydwaith gofal cymdogaeth (NCN):

Dwyrain Casnewydd

Mae poblogaeth Dwyrain Casnewydd oddeutu 78,184. Mae 9 meddygfa yn yr ardal gyda gwahanol lefelau o amddifadedd a chyfoeth. Yn ogystal, mae 7 Deintyddfa, 7 Optometrydd a 15 Fferyllfa Gymunedol yn yr ardal.

Gorllewin Casnewydd

Arweinir NCN Gorllewin Casnewydd gan Dr Susan Thomas, sydd hefyd yn gweithio fel Ymarferydd Nyrsio Uwch mewn Ymarfer Cyffredinol. Mae NCN Gorllewin Casnewydd yn cynnwys 7 prif bractis sydd, gyda'i gilydd, yn gwasanaethu poblogaeth gofrestredig o 80,692. Yn ogystal mae 9 optometrydd, 5 deintyddfa a 12 fferyllfa gymunedol wedi'u lleoli yn NCN Gorllewin Casnewydd.