Mesur Canlyniad a Adroddir gan Gleifion (PROM)
Beth yw PROM?
Mae Mesur Canlyniad a Adroddir gan Gleifion neu 'PROM' yn asesiad neu restr o gwestiynau sydd wedi'u cynllunio a'u dewis yn benodol ar gyfer y cyflwr iechyd y cawsoch ddiagnosis ohono.
Mae'r atebion a roddwch i ni yn helpu eich tîm meddygol o nyrsys a meddygon i gael darlun o'ch iechyd presennol. Bydd y cwestiynau’n ymwneud â’ch bywyd dydd i ddydd, symptomau presennol a pha effaith y gallai’r rhain fod yn eu cael ar ansawdd eich bywyd. Caiff yr atebion eu hadolygu gan eich tîm gofal iechyd, sy'n golygu y gellir canolbwyntio ar yr hyn sy’n bwysig i chi yn ystod yr amser byddwch yn siarad â hwy. Mewn rhai achosion, wrth gwblhau’r asesiad cyn apwyntiadau, gall olygu y gallwn gynnig apwyntiad arall i chi yn hytrach nag apwyntiad wyneb yn wyneb sy’n arbed taith i’r ysbyty i chi.
Mae'r cwestiynau'n benodol i gyflwr, wedi'u dewis gan arbenigwyr blaenllaw, yn cael eu hadolygu gan gymheiriaid, ac yn aml yn cael eu dilysu'n rhyngwladol.
NID yw hwn yn wasanaeth brys. Ni chaiff yr asesiadau hyn eu hadolygu’n syth. Os ydych mewn argyfwng ffoniwch 999 neu 111.
Cwestiynau Cyffredin
Os hoffech wybod mwy am sut y defnyddir PROMS ar gyfer eich cyflwr, gofynnwch i'ch tîm gofal iechyd neu e-bostiwch ABB.ValueTeam@wales.nhs.uk .