Offthalmoleg

Coronafeirws (COVID-19

Mae pandemig COVID-19 wedi rhoi pwysau a straen sylweddol ar ein gwasanaethau gofal iechyd ac yn enwedig ar adrannau sydd â throsiant cleifion uchel iawn fel yr adran Llygaid (Offthalmoleg). Rydym yn dal i wynebu her sylweddol oherwydd effaith Covid-19.

O ganlyniad i hyn, rydym yn ymwybodol bod llawer o gleifion sy’n cael eu hatgyfeirio atom ar hyn o bryd neu ar ein rhestr aros a fydd yn profi oedi o ganlyniad i’r pandemig COVID-19. Diolch i chi am eich amynedd yn yr amseroedd digynsail hyn.

Rydym ar hyn o bryd yn ailsefydlu ein gwasanaethau, ond ni allwn wneud hyn ond yn unol â’r canllawiau presennol ar gyfer ailsefydlu gwasanaethau clinigol llygaid (offthalmig) ac ni fyddwn yn llawn am beth amser. Byddwn yn ehangu'n raddol yr ystod o wasanaethau a gynigiwn a'r safleoedd y gallwn eu cynnig iddynt yn ystod y misoedd nesaf, ond dim ond pan fydd modd gwneud hyn yn ddiogel. Diolch unwaith eto am eich amynedd.

Yn ddyledus am apwyntiad?

Os ydym wedi gofyn i chi ddod i mewn am driniaeth, llawdriniaeth neu apwyntiad clinig, peidiwch ag oedi, dewch i'ch apwyntiad. Os ydych yn meddwl na allwch fynychu eich apwyntiad oherwydd bod gennych symptomau Covid, wedi bod mewn cysylltiad yn ddiweddar â rhywun sydd â Covid 19, neu am resymau eraill, cysylltwch â ni ar 01495 765 186 .

Rydym wedi rhoi nifer o fesurau ar waith i helpu cleifion a staff i aros yn ddiogel. Mae'r rhain yn cynnwys rhoi masgiau wyneb i bobl wrth iddynt ddod i mewn i'n hysbytai a'n clinigau; ynghyd â gwirio symptomau, gwirio tymheredd cyn mynd i mewn a mesurau cadw pellter cymdeithasol.

Oherwydd Covid-19 rydym wedi adleoli rhai clinigau i loriau gwahanol. Os oes gennych apwyntiad ewch i'r bloc E ac ewch i'r ddesg dderbynfa ar y llawr ^1af a byddant yn eich cyfeirio at y man priodol ar gyfer eich apwyntiad clinig.