Ffisiotherapi

Mae ffisiotherapi yn broffesiwn gofal iechyd sy'n ymwneud â swyddogaeth ddynol, symudiad a gwneud y mwyaf o botensial unigolion.

Mae'n defnyddio dulliau corfforol i hyrwyddo, cynnal ac adfer lles corfforol, seicolegol a chymdeithasol, gan ystyried amrywiadau mewn statws iechyd.

Mae'n seiliedig ar wyddoniaeth, ac wedi ymrwymo i ymestyn, cymhwyso ac adolygu'r dystiolaeth sy'n sail i'w ymarfer a'i ddarpariaeth ac yn llywio hi.

Mae'n broffesiwn ymreolaethol lle mae ymarferwyr yn gwneud eu barn glinigol a'u dewisiadau triniaeth eu hunain. Fodd bynnag, rydym yn awyddus iawn i hyrwyddo Gofal sy'n Canolbwyntio ar yr Unigolyn, sy'n golygu, wrth ddefnyddio ein gwasanaethau, y byddwch yn gwrando iddoch, yn eich annog i ofyn cwestiynau a chyfrannu at gynllunio eich gofal. Mae hyn yn hanfodol i'n helpu i ddeall eich disgwyliadau ac i'ch galluogi i gyflawni'r canlyniad gorau.

Yn benodol, mae Ffisiotherapyddion yn trin symptomau Cardiofasgwlaidd ac Anadlol (y galon a'r ysgyfaint a ffisioleg gysylltiedig), Cyhyrysgerbydol ac Orthopedig (esgyrn, cymalau a chyhyrau) a Niwrolegol (yr ymennydd a'r system nerfol), ym mhob grŵp oedran mewn amrywiaeth o leoliadau. Ar y wefan hon, fe welwch ddolenni i rai o'r gwahanol feysydd ffisiotherapi hyn. Cliciwch ar y rhain i gael rhagor o wybodaeth, yr hyn a gynigiwn a'r hyn y gallwch ei ddisgwyl. Bydd yna hefyd rywfaint o gyngor a gwybodaeth hunangymorth ar gael a allai eich galluogi i reoli eich pryder penodol yn annibynnol heb geisio ein cefnogaeth.