Heddiw, Dydd Llun 7 Rhagfyr, rydym ni fel Bwrdd Iechyd yn cefnogi'r ymgyrch #maegenihawl Diwrnod Hawliau'r Iaith Gymraeg, lle rydym yn hyrwyddo rhai o'r gwasanaethau Cymraeg ein bod yn cynnig i'n cleifion a staff fel rhan o'u Hawliau Iaith Gymraeg.
Gall cyfathrebu â chlaf yn ei ddewis iaith pan fydd ar ei fwyaf bregus wneud byd o wahaniaeth iddynt. I'r rhai y mae Cymraeg yn iaith gyntaf iddynt, gall cynnig triniaeth iddynt yn eu dewis iaith leihau trallod a gwella eu profiad fel claf yn fawr.
Mae gennym aelodau staff sy'n siarad Cymraeg yn gweithio mewn sawl safle ar draws ein Bwrdd Iechyd, o'n Hysbytai a Phractisau Meddygon Teulu, i'n Canolfannau Iechyd a'n Meddygfeydd Deintyddol.
Mae aelodau staff sy'n siarad Cymraeg i gyd yn hapus i ddarparu gofal cyfrwng Cymraeg i chi fel rhan o'ch #HawliauCymraeg
Dyma Nia. Mae Nia yn gweithio yn ein Canolfan Atgyfeirio ac Archebu, ac yn gallu darparu gwasanaeth Cymraeg i'n cleifion dros y ffôn.
A wyddoch chi bod gennym gyfrifon Cyfryngau Cymdeithasol cyfrwng Cymraeg? Gallwch ein dilyn ar y dolenni isod:
- Facebook: @BwrddIechydAneurinBevan
- Instagram: @bipaneurinbevan
- Twitter: @BIPAneurinBevan
- YouTube: @BIPAneurinBevan
Mae ein gwefan hefyd yn gwbl ddwyieithog - ewch i bipab.gig.cymru neu cliciwch 'cymraeg' yn y gornel dde uchaf pan ar ein gwefan Saesneg.
Cofiwch, os ydych chi am gysylltu â ni yn Gymraeg, byddwn yn eich ateb yn Gymraeg.
Ewch i wefan y Comisiynydd Iaith Gymraeg i gael mwy o wybodaeth am eich Hawliau Iaith Gymraeg.