Datganiad Digwyddiad Marwdy

Yr wythnos hon rydym wedi darganfod ac adrodd am ddigwyddiad yn ymwneud â’n marwdy a ddigwyddodd ym mis Tachwedd 2023 – cyn digwyddiad tebyg a adroddwyd ym mis Rhagfyr 2023.

Mae’r Bwrdd Iechyd wedi rhyddhau’r datganiad canlynol mewn ymateb i ymholiadau’r cyfryngau i’r digwyddiad hwn:

Dywedodd llefarydd ar ran Bwrdd Iechyd Prifysgol Aneurin Bevan: "Rydyn ni wir wedi ein llorio dros y teulu oedd yn rhan o'r digwyddiad hwn ac mae'n ddrwg iawn gennym fod hyn wedi digwydd yn ein marwdy.

"Mae'n destun gofid mawr fod y digwyddiad hwn wedi digwydd o fewn dyddiau cyn digwyddiad tebyg a adroddwyd eisoes a'i fod oherwydd yr un camgymeriad dynol.

"Mae ein hymchwiliad cychwynnol newydd gael ei gwblhau ac rydym bellach yn ymchwilio ymhellach i'r amgylchiadau yn ymwneud â'r ail ddigwyddiad hwn a ddigwyddodd tua'r un pryd mewn amgylchiadau tebyg. Rydym wedi cymryd camau priodol ers mis Tachwedd yn y marwdy ac wedi rhoi mwy o fesurau diogelu ar waith oherwydd yr ail achos hwn.  Rydym hefyd wedi cynnal archwiliad ôl-weithredol i sicrhau nad oes unrhyw achosion pellach sy'n adlewyrchu'r digwyddiad hwn ac rydym hefyd wedi gofyn i'r Awdurdod Meinwe Dynol gynnal archwiliad dilynol ar ein systemau a'n prosesau i gael sicrwydd pellach.

"Rydym wedi cwrdd â'r teulu i roi gwybod iddynt yn llawn am y sefyllfa hon ac i gynnig cymaint o gefnogaeth ag sydd ei angen arnynt. Rydym wedi cael gwybod nad oes unrhyw deulu hysbys o'r claf arall a dyma'r rheswm pam y bu oedi yn yr achos hwn yn cael ei nodi. Byddwn yn rhoi'r wybodaeth ddiweddaraf i aelodau'r teulu drwy gydol ein hymchwiliad parhaus.

"Unwaith eto, mae'n ddrwg iawn gennym, a meddyliwn a chefnogwn y teulu o hyd."