Nodyn atgoffa am Ymweld â Chleifion Mewnol

Dydd Gwener 17eg Medi 2021

Mae Llywodraeth Cymru yn parhau i adrodd ar Lefel Rhybudd 0 ar gyfer y boblogaeth yn gyffredinol. Fodd bynnag, yn unol â'r canllawiau cenedlaethol, mae mesurau COVID yn parhau i fod ar waith ar safle gofal iechyd er mwyn amddiffyn cleifion hynod fregus. Mae hyn yn cynnwys pellhau cymdeithasol a defnyddio masgiau wyneb.

Rydym yn deall pwysigrwydd a buddion ymweld â chleifion yn yr ysbyty i deuluoedd, cleifion a hefyd i'n staff. Rydym yn dymuno'n fawr ein bod yn gallu parhau i gefnogi ymweld ond dim ond trwy gael gweithdrefnau caeth ar waith a chyfyngu ar nifer yr ymwelwyr y gallwn wneud hynny. Gofynnwn i gymunedau weithio gyda ni yn yr amseroedd anodd hyn, fel y gallwn barhau i gefnogi lefel o ymweld diogel a gobeithio osgoi'r angen i gyfyngu ar ymweld ymhellach.

Ymwelir trwy gyn-apwyntiad yn unig a bydd ymwelwyr ar gyfer cleifion â dementia, anableddau dysgu a'r rheini ar ddiwedd oes yn cael eu blaenoriaethu. Gellir estyn ymweliadau i'r cleifion hynny nad ydynt yn dod o dan y categorïau uchod ond a fydd ar gyfer aelodau uniongyrchol o'r teulu neu “eraill arbennig” yn unig. Mae ymweld trwy gyn-apwyntiad yn sicrhau y cymerir rhagofalon caeth sy'n ein galluogi i gynnal mesurau pellhau cymdeithasol. Er mwyn osgoi cael eich siomi, peidiwch â mynychu unrhyw un o safleoedd yr ysbyty heb apwyntiad wedi'i drefnu ymlaen llaw.

Mae gennym Brofion Llif Ochrol i'r holl ymwelwyr i sicrhau bod cleifion, staff a'r cyhoedd mor ddiogel â phosibl.

Rhaid inni gofio bod llawer o gleifion yn ein hysbytai yn llawer mwy tueddol o gael heintiau ac felly mae'n rhaid i ni gymryd pob rhagofal i sicrhau eu diogelwch. Byddwn yn parhau i adolygu'r trefniadau hyn yn gyson. Mae angen bod yn ymwybodol iawn o gyfraddau trosglwyddo cymunedol a newidiadau i lefelau Rhybudd Llywodraethau Cymru a allai effeithio ar ymweld ar fyr rybudd.

Yn ogystal, gallwn hwyluso 'ymweliad rhithwir' trwy ein dyfeisiau electronig ysbytai y gellir eu trefnu gan y Rheolwr Ward neu'r Nyrs â Gofal.

Ymweld â Mamolaeth

Ni welodd ymweld â mamolaeth unrhyw newidiadau diweddar.

Mae croeso i bartneriaid ddod i'ch apwyntiadau clinig cynenedigol yn yr ysbyty a'ch sganiau beichiogrwydd. Fodd bynnag, rhaid iddynt ddarparu tystiolaeth o brawf Llif Ochrol neu PCR negyddol. Mae'r canllawiau hyn eisoes ar waith ac wedi bod am gyfnod ond bu dryswch gyda rhai partneriaid yn cyrraedd apwyntiadau heb wneud prawf.

Mae'n ddewisol ar gyfer menywod beichiog / genedigaeth sy'n mynychu apwyntiadau, er ein bod yn annog profion Llif Ochrol rheolaidd.

Wrth ichi agosáu at yr enedigaeth, rydym yn annog partneriaid i brofi bob ychydig ddyddiau oherwydd er y gallwn ddarparu profion ar y safle, bydd yn arbed aros ychwanegol ichi yn ystod y cyfnod esgor.