Tîm Microbioleg yn Dathlu Diwrnod Gwyddoniaeth Biofeddygol!

Dydd Gwener 9 Mehefin 2023

Bu’r tîm Microbioleg yn dathlu diwrnod Gwyddorau Biofeddygol ddoe (Dydd Iau 8fed o Fehefin) gyda llawer o weithgareddau!

Bu iddynt gynnal stondin gwybodaeth Microbioleg i hyrwyddo'r proffesiwn a chyhoeddi gwaith y tîm.

Buont hefyd yn cynnal amryw o gystadlaethau i ddathlu’r diwrnod, gan gynnwys cystadleuaeth pobi ar thema wyddonol, cystadleuaeth dylunio crys-t, a chystadleuaeth celf agar lle ffurfiwyd lluniau wedi’u gwneud o facteria.

Rhoddwyd rhai gwobrau gan fusnesau lleol i ddweud diolch i’r staff am eu holl waith caled.

Da iawn i'r tîm Microbioleg, a diolch am eich holl waith amhrisiadwy!