Melo – Helpu i gefnogi eich lles meddyliol y gaeaf hwn

Gyda'r dyddiau'n mynd yn fyrrach, a'r nosweithiau'n tywyllu, a'r tywydd yn oerach - efallai bod llawer ohonom wedi sylwi ar newid yn ein lefelau egni, ein hwyliau a'n cymhelliant yn ddiweddar.

Mae pawb yn teimlo i fyny ac i lawr o bryd i’w gilydd, ond os ydych yn teimlo fel hyn yn gyson, os yw’r teimladau’n ddwys ac yn effeithio ar eich bywyd bob dydd, mae'n bwysig ein bod yn gofyn am gymorth.

Mae gwybodaeth am yr hyn y gallwch ei wneud i wella eich iechyd meddwl a'ch lles neu wybodaeth am ble y gallwch fynd am gyngor/cefnogaeth ar wefan Melo.

Mae Melo yn wefan sy'n cynnwys gwybodaeth a chyngor sydd wedi ei gymeradwyo, yn ogystal ag adnoddau a chyrsiau AM DDIM i helpu i wella a diogelu iechyd meddwl a lles.  

Datblygwyd Melo gan Dîm Iechyd y Cyhoedd Aneurin Bevan Gwent mewn cydweithrediad â phartneriaid, gan gynnwys pobl â phrofiad o lygad y ffynnon.  

Mae ein gwefan Melo wedi gwella 'n sylweddol yn ddiweddar, ac mae bellach yn cynnwys:

• Dros 30 o dudalennau ar bynciau penodol sy’n ymwneud ag iechyd meddwl a lles, gan gynnwys Gorbryder, Hwyliau Isel, Iselder , a Theimlo'n unig.
• Dros 370  o adnoddau hunangymorth cymeradwy am ddim, mynediad i 60 o gyrsiau hunangymorth am ddim, manylion dros 80  o linellau cymorth a gwasanaethau a chyfeiriadau  at adnoddau hunangymorth nad ydynt yn ddigidol.
• Gwybodaeth am hyfforddiant wedi'i ariannu'n llawn  i unrhyw un sy'n gweithio yng Ngwent, gan gynnwys ein rhaglen hyfforddi Connect 5 Cyswllt a Suicide First Aid.
• Cyfeiriadau at gyfleoedd lleol i wella lles emosiynol a meddyliol, a gwasanaethau sy'n cefnogi pobl gyda'u hiechyd meddwl.

• Gwefan mwy hygyrch gyda'n bar offer ReachDeck, sy'n cynnig cyfieithu i dros 100 o ieithoedd gwahanol, arddweud testun i lafar, opsiynau chwyddo testun, opsiynau o ran pa mor llachar yw’r sgrin llai a llawer mwy.

Cyngor ymarferol ar gyfer lles y gaeaf hwn

Gall y gaeaf fod yn gyfnod anodd i lawer ohonom, ond mae'n bwysig cofio bod amrywiaeth o bethau y gallwn ni i gyd eu gwneud i wella lles a gwydnwch.

Y  'Pum Ffordd at Les' yw pum ffordd syml y gall pawb ddiogelu a gwella eu lles eu hunain.

Dysgwch fwy am bob un o'r Pum Ffordd at Les isod, gyda syniadau ar sut y gallwch eu hymgorffori yn eich trefn ddyddiol y gaeaf hwn.

Cysylltu

Gyda'r bobl o'ch cwmpas - ffrindiau, teulu, cydweithwyr, ac anwyliaid. Bydd adeiladu'r cysylltiadau hyn yn eich cefnogi a'ch cyfoethogi bob dydd.

1. Sefydlu sgwrs grŵp gyda ffrindiau i gynllunio rhai gweithgareddau hwyliog y gaeaf
2. Ffoniwch hen ffrind neu rywun nad ydych wedi siarad â nhw ers tro
3. Gwnewch restr o ganeuon Nadolig i rywun yn eich bywyd a sgwrsio amdano gyda'ch gilydd
4. Lleihau eich amser sgrin pan fyddwch chi gyda phobl eraill, ceisiwch gadw’r ffôn a chael sgwrs wyneb yn wyneb

Byddwch yn  actif

Mae ymarfer corff yn gwneud i ni deimlo'n dda. Dewch o hyd i fath o symudiad yr ydych chi'n ei fwynhau ac sy'n gweddu i'ch lefel symudedd a ffitrwydd.

1. Rhowch gynnig ar drefn ymestyn foreol sy'n ymgorffori symudiad ysgafn bob dydd
2. Os gallwch chi, ewch allan am ychydig o olau'r haul – hyd yn oed am ddim ond 5 munud ar eich egwyl ginio
3. Ewch am dro yn yr awyr iach y gaeaf hwn  yn eich ardal leol a sylwi ar yr harddwch naturiol o'ch cwmpas.
4. Rhowch gynnig ar ddosbarth ymarfer corff newydd, neu hyd yn oed yn well, gofynnwch i ffrind ymuno â chi

Cymryd sylw

Mae bod yn bresennol yn y foment yn ein helpu i fyfyrio ar ein profiadau a gwerthfawrogi'r hyn sy'n bwysig i ni.

1. Byddwch yn chwilfrydig – cadwch lygad a gwerthfawrogwch liwiau newidiol natur o'ch cwmpas
2. Gwerthfawrogwch y foment, p'un a’ch bod yn cerdded i'r gwaith, yn bwyta cinio neu'n siarad â ffrindiau
3. Dewiswch hobi ystyriol y gallwch ei gwneud o dan do megis cadw dyddiadur neu  wau

Parhau i ddysgu

Mae dysgu pethau newydd yn helpu i gynyddu ein hyder, yn ogystal â'n cyflwyno i syniadau a safbwyntiau newydd.

1. Ailddarganfod hen ddiddordeb neu hobi
2. Rhowch gynnig ar rysáit gaeaf newydd yn y gegin
3. Rhowch gynnig ar brosiect DIY neu gelf newydd
4. Gosodwch her y byddwch yn mwynhau ei chyflawni – beth am edrych ar ein 60 o gyrsiau am ddim amrywiol ar Melo?

Rhoi

Gall gweld ein hunain, a'n hapusrwydd, yn gysylltiedig â'r gymuned ehangach fod yn hynod werth chweil.

1. Gwnewch rywbeth neis i ffrind neu ddieithryn
2. Diolchwch i'r bobl o'ch cwmpas a rhoddwch ganmoliaeth iddynt
3. Ceisiwch siopa'n lleol fel y gallwch helpu busnesau bach
4. Rhowch neu wirfoddolwch eich amser i achos yn eich cymuned

Mae mor bwysig ein bod yn gofalu amdanom ein hunain a'r rhai o'n cwmpas y gaeaf hwn.

Ni allwch arllwys o gwpan wag, felly cymerwch amser lle bynnag y bo modd i wneud lle i chi a blaenoriaethu eich lles meddyliol yn ystod y tymor prysur hwn.

I gael rhagor o wybodaeth am les meddwl, darllenwch ein 10 awgrym gorau ar gyfer Lles Meddyliol.