Tîm ystadau i weithio gyda busnesau lleol ar brosiectau Mân Waith
Dydd Llun 3ydd Gorffennaf 2023
Mae tîm Ystadau BIPAB am weithio gyda mwy o wasanaethau adeiladu lleol i gynorthwyo gyda chynnal a chadw ei safleoedd.
Gyda thua 77 eiddo ar draws Gwent, yn amrywio o strwythurau cyn 1900 i Ysbyty Athrofaol newydd y Grange, mae cynnal a chadw adeiladau'r Bwrdd Iechyd yn dasg enfawr.
O ganlyniad, mae'r tîm am gydweithio â Busnesau Bach a Chanolig (SMB) lleol i gefnogi a chyflawni prosiectau Mân Waith.
I wneud hyn, mae'r Bwrdd Iechyd wedi lansio Fframwaith a Thendr Mân Waith newydd, sydd bellach yn fyw tan 12pm ar 14fed o Orffennaf 2023 .
Os ydych yn adnabod unrhyw SMBs lleol a fyddai â diddordeb mewn gweithio gyda ni ar brosiectau Mân Waith, rhowch wybod iddynt am y cyfle hwn.
Mae'n gyfle gwych i wasanaethau adeiladu lleol weithio gyda ni, gan helpu i gynnal a gwella ein safleoedd i sicrhau gofal o ansawdd i gleifion ac amgylcheddau gweithio diogel i staff.
Ceir rhagor o wybodaeth ar yr hysbysiad GwerthwchiGymru , ac mae'r dogfennau tendro llawn ar gael yn https://etenderwales.bravosolution.co.uk
Mae cyfleoedd ar gael mewn sawl maes gwaith adeiladu gwahanol, gan gynnwys:
- gwaith adeiladu cyffredinol
- lloriau
- Nenfwd
- paentio ac addurno
- gwaith trydanol
- gwaith mecanyddol
- drysau tân
- adrannu tân
- toi
- ffenestri a gwydro
- diogelwch (CCTV, rheoli mynediad, tresmaswyr)
- awyru
- nwy meddygol
- cloddiadau a sifil
- dymchwel
- tynnu asbestos
Am unrhyw gwestiynau neu ymholiadau, anfonwch e-bost at: Rachel.Jones43@wales.nhs.uk