Côr BIPAB yn serennu mewn Prosiect Nadolig sydd wedi'i ysbrydoli gan John Lewis

Dydd Gwener 22 Tachwedd 2024 

Diolch yn fawr i’n côr talentog sydd wedi’u hysbrydoli gan John Lewis!

Hoffem ddiolch yn fawr iawn i bawb wnaeth gyfrannu ar gynhyrchiad ein fideo TikTok ar gyfer ymgyrch Hysbyseb Nadolig John Lewis 2024 “My Sonnet”.

Eleni, mae John Lewis wedi gwahodd y cyhoedd i recordio eu fersiwn eu hunain o Sonnet by The Verve, ymddangosodd y gân yn eu Hysbyseb Nadolig 2024, “The Gifting Hour”. Bydd un cystadleuydd yn cael y cyfle i ymddangos yn yr hysbyseb ar ddiwrnod Nadolig. Yr wythnos ddiwethaf, galwom ar staff o bob rhan o’r Bwrdd Iechyd, a oedd yn angerddol am ganu, i ymuno â ni ar gyfer y prosiect cyffrous hwn.

Ddydd Llun daeth lleisiau o bob rhan o’r Bwrdd Iechyd ynghyd ym mhrif Fwyty Ysbyty Brenhinol Gwent yn ystod eu hawr ginio, i greu côr John Lewis. Gan ddefnyddio’r ffilter sydd wedi’i wneud ar gyfer John Lewis ar Tik Tok, recordiodd ein tîm Cyfathrebu fersiwn y grŵp o Sonnet. Cafodd y perfformiad gymeradwyaeth enfawr gan y rheiny oedd yn gwylio yn y bwyty, a chreodd hyn foment hyfryd a oedd yn cyfleu ysbryd y Nadolig.

Ydych chi eisiau gweld yr hud yn datblygu? Ewch i gyfrif Tik Tok y Bwrdd Iechyd (@bipaneurinbevan) i wylio’r fideo. Tra byddwch yno, peidiwch ag anghofio ein dilyn!

Diolch yn fawr i bawb a gymerodd ran yn y gwaith o wneud y prosiect arbennig hwn yn realiti. Gyda’n gilydd rydym wedi dangos, nid yn unig dalent ein Bwrdd Iechyd, ond yr ymdeimlad o gymuned anhygoel sy’n diffinio BIPAB. Dewch i ni gadw ysbryd y Nadolig yn fyw – croesi bysedd ar gyfer Diwrnod y Nadolig!