Dathlu'r Gemau Olympaidd ar draws Hysbytai yng Ngwent!

Bu wardiau ar draws ein hysbytai yn cymryd rhan mewn rhai gweithgareddau thema yn ystod Gemau Olympaidd 2024!

Bu Ward A0 yn Ysbyty Athrofaol y Faenor yn cefnogi wythnos Maeth a Hydradu trwy gynnig lluniaeth a byrbrydau ar thema Olympaidd i gleifion. Cynigiwyd diodydd yn lliwiau'r logo Olympaidd fel bod claf yn yfed digon o hylif a hefyd yn cael ychydig o hwyl ar hyd y ffordd.

Bu'r cleifion a'r staff hefyd yn cymryd rhan mewn cystadleuaeth gwaywffon (gan ddefnyddio awyrennau papur) a phêl-foli (gan ddefnyddio balŵns) i'w helpu i gadw'n heini tra yn yr ysbyty i atal ddatgyflyru cyhyrol.

Mae cleifion ar Ward C7 Dwyrain yn Ysbyty Brenhinol Gwent hefyd wedi bod yn cofleidio naws y Gemau Olympaidd trwy gymryd rhan mewn gweithgareddau thema yn yr ystafell ddydd dros yr wythnosau diwethaf.

I nodi’r seremoni agoriadol, buont yn creu eu fflach lampau Olympaidd eu hunain mewn sesiwn Celf a Chrefft er mwyn cefnogi Tîm Prydain Fawr.

Ers hynny, maen nhw wedi bod yn cymryd rhan mewn amryw o 'ddigwyddiadau Olympaidd' gyda'i gilydd, gan gynnwys pêl-droed, codi pwysau a thaflu cylch.

Mae’r gweithgareddau hyn wedi bod yn gyfle gwych iddynt godi, gwisgo, symud a chael hwyl!