Ysbyty Brenhinol Gwent yn Dathlu Pen-blwydd Claf yn 100 Oed â Pharti ar y Ward

Penblwydd hapus i Elizabeth yn 100 oed ar Ddydd Mercher 17eg Gorffennaf!

Fe wnaeth staff ar Ward C7 Dwyrain yn Ysbyty Brenhinol Gwent helpu Elizabeth i ddathlu gyda'i theulu drwy drefnu parti iddi yn yr ystafell ddydd. Roedd pawb yn mwynhau edrych ar hen luniau o Elizabeth drwy gydol yr oesoedd, ac ymhlith ei chardiau pen-blwydd niferus oedd un arbennig iawn!

Bu Elizabeth yn treulio llawer o'i bywyd yn helpu eraill, felly bu'r staff yn ceisio mynd y cam ymhellach i sicrhau diwrnod arbennig iddi.

Dywedodd: "Rydyn ni bob amser yn ymdrechu i sicrhau bod ein cleifion yn teimlo mor gyfforddus, egnïol a difyr â phosib tra yn yr ysbyty, felly roedd hi'n bleser rhoi'r dathliad arbennig hwn at ei gilydd ar gyfer Elizabeth. Mae cyrraedd y garreg filltir pen-blwydd yn 100 oed yn gyflawniad anhygoel iawn felly roeddem am ei gwneud yn wirioneddol gofiadwy iddi a chael ei theulu a'i chydgleifion i gymryd rhan yn y diwrnod. Gallwch chi weld o'i hwyneb pa mor gyffrous oedd hi!"

Llongyfarchiadau, Elizabeth!